Uttarajjhayana p328

p328

gautamasvāmivaktavyatā|
tate ṇaṃ se kaṃḍarie therehiṃ saddhiṃ kiṃci kālaṃ uggaṃ uggeṇaṃ viharettā tao pacchā samaṇattaṇaniviṇṇe samaṇattaṇanibhatthie| samaṇaguṇamukkajoge therāṇamaṃtiyāo saṇiyaṃ saṇiyaṃ pañcosakkai | jeṇe va puṃḍarigiṇī nayarī jeṇeva puṃḍarīyassa ranno bhavaṇe jeṇeva asogavaṇiyā jeṇeva asogavarapāyave jeṇeva puḍhavisilāpaṭṭae teṇeva uvāgacchai 2 jāva silāpaṭṭayaṃ duruhai 2
ohayamaṇasaṃkappe jāva jhiyāyai | tae ṇaṃ puṃḍarīyassa ammadhāī tatthāgacchai, jāva taṃ tahā pāsai 2 puṃḍarīyassa |sāhai | se vi ya ṇaṃ aṃteurapariyaṇasaṃparikhuḍe tattha gacchai 2 tikkhutto āyāhiṇapayāhiṇaṃ karei | jāva dhanne si ṇaṃ savaṃ jāva tusiṇīe | tae ṇaṃ puṃḍarīe evaṃ vayāsi-aṭṭho bhaṃte ! bhogehiṃ | haṃtā aṭṭho| tae ṇaṃ koḍuṃbiyapurise saddāvei 2 kalikaluseṇa va ahisitto rāyābhiseeṇaṃ jāva rajaṃ pasāsemāṇe viharai| tae ṇaṃ se puṃḍarīe sayameva paṃcamuṭṭhiyaṃ loyaṃ karei 2 cāujjāmaṃ dharma paḍivajai 2 kaṃḍarīyassa āyārabhaṃḍagaṃ savaṃ suhasamudayaṃ piva geṇhai 2 imaṃ ca abhiggaha geṇhai-kappai me therāṇaṃ aṃtie dhamma paḍivajettā pacchā āhāraṃ āhārettae tti kaṭṭa therābhimuhe niggae| kaṃḍarīeṇa ya tammi diṇe subahupaṇīe āhāre aikaṃkhāe āhārie | tae ṇaṃ tassa taṃ paṇīyaṃ pāṇabhoyaṇaṃ āhāriyassa no sammaṃ pariṇayaṃ, veyaṇā pāubbhūyā ujjalā viulā durahiyāsā | tate ṇaṃ se maṃtisāmaṃtehiṃ avahīrie akayapaḍiyāre raje ya jāva aṃteure ya mucchie ajjhovavaṇṇe aṭṭaruddajjhāṇavasamuvagae akāmae kālaṃ kiccā sattamapuḍhavīe tettīsasāgarovamaṭṭhiīe neraie jāe | puṃḍarīe vi ya ṇaṃ there pappa tesiṃ aṃtie doccaṃ pi cāujjāme dhamme paḍivajai | aṭṭhamakhamaṇapāraṇagaṃsi adīṇe jāva āhārei, teṇa ya kālāikaṃtasīyalalukkhaarasaviraseṇa apariṇaeṇa veyaṇā durahiyāsā jāyā | tate ṇaṃ se adhāraṇijamiti kaṭṭa karayalapariggahiyaṃ jāva aṃjaliṃ kaṭṭa namotthu ṇaṃ arahaṃtāṇaṃ bhagavaṃtāṇaṃ jāva saṃpattāṇaṃ, namo'tthu ṇaṃ therāṇaṃ bhagavaṃtāṇaṃ āyariyāṇaṃ dhammovaesayāṇaṃ, puvi pi ya ṇaṃ mae therāṇaṃ aṃtie satve pāṇāivāe pañcakkhāe jāvajjīvāe