Uttarajjhayana p382

p382

harikeśamuneḥ | sautrī vaktavyatā|
mithyātvaguptivirādhanādimirakaluṣe, anāvilatvāt | ātmanaḥ-jīvasya prasannā-manāgapyakaluṣā pītādyanyatarā leśyā yasmistadātmaprasannaleśyaṃ tasmin evaṃvidhe dharmahade brahmākhyaśāntitīrthe ca | “jahiṃsi" tti yasmin snāta iva snātaḥ atyantaśuddhibhavanāt 'vimalaḥ' bhāvamalarahito'ta eva 'viśuddhaḥ' gatakalaṅkaḥ "susītībhūto" tti 'suśītībhūtaḥ' rāgādyuttāpavirahitaḥ suṣṭu śaityaṃ prāptaḥ 'prajahāmi' prakarṣeṇa tyajāmi dūṣayati-viśuddhamapyātmānaṃ vikṛti nayatīti doṣaḥ-karma tam | anenaitadāha-mamāpi hṛdatīrthe eva śuddhisthānaṃ paramevaṃvidhe eveti || nigamayitumāha-etadi'tyanantaramuktaṃ 'snānaṃ rajohānaṃ kuśalaidṛṣṭam , idameva ca mahāsnānaṃ na tu yuṣmatpratītam , asyaiva sakalamalāpahāritvāt ata eva ṛṣīṇāṃ 'praśastaṃ' praśaṃsāspadam , na tu jalasnānavat sadoṣatayā nindyam | asyaiva phalamāha-"jahiṃsi" tti suvyatyayād yena nātā vimalā viśuddhā iti prāgvat , 'maharṣayaḥ' mahāmunayaḥ 'uttamaṃ sthānaṃ' muktilakṣaṇaṃ 'prāptāḥ' gatā iti sūtradvayārthaḥ || 46-47 || 'itiḥ' parisamāptau, bravīmīti pūrvavat | evaṃ copasampanneṣu dvijeṣu yakṣeṇa praguṇīkṛtāste chātrāḥ tatkālocitadharmadeśanayā |ca tān pratibodhya gataḥ svavihāramasau muniḥ||
||iti śrīnemicandrasūrivinirmitāyāṃ sukhabodhāyāṃ uttarādhyayanasūtra
laghuṭīkāyāṃ harikeśīyākhyaṃ dvādaśamadhyayanaṃ samāptam ||