Uttarajjhayana p386

p386

citrasambhūtavaktavyatā|
bhayavaṃ! khameha jamamhārisehiṃ maṃdabhaggehiṃ aṇajehiṃ avaraddhaṃ ti, paḍisaṃharaha tavateyaṃ, kareha ppasāyaṃ jīviyappayāṇeṇaṃ, bhujjo na evaṃ karissāmo tti | jāhe na pasīyai tāhe cittasāhū jaṇavāyaṃ suṇiya bahaladhūmacchāiyaṃ ca gayaṇaṃ daddūṇa tassa samīvamāgao| bhaṇio teṇa-bho saṃbhūya ! uvasamasu uvasamasu kovānalaṃ, uvasamappahāṇā ceva maharisao bhavati, avaraddhe vi na kovassāvagāsaṃ diti | jao-duraṃto sabāṇatthaheū caraṇidhaṇe davānalo koho | bhaṇiyaṃ ca-"jaha vaṇavo vaṇaṃ davadavasa jaliuṃ khaṇeṇa niddahai | evaṃ kasāyapariṇao, jīvo tavasaṃjamaṃ dahai ||1||" annaṃ ca-"koho pīī paṇāsei, koho duggaivaṇo| pariyāvakaro koho, appāṇassa parassa ya||" tahā-"māsuvavāsu karai vicittu vaṇavāsu nisevai, paḍhai nāṇu jhāṇeṇa nicu appāṇaṃ bhāvai | dhārai duddharu baṃbhaceru | bhikkhāsaṇu muṃjai, jāsu rosu tasu sayalu eu niṣphalu saṃpajjai ||1||" evamāiuvasamappahāṇehiṃ jiṇivayaṇajalohehiṃ vijjhāvio kohaggī | gao veraggaṃ | tato niyattā tappaesāo gayā tamujāṇaṃ | ciṃtiyaṃ ca ṇehiṃ—'kayasalehaṇā amhe, tā eṇhi juttamaṇasaṇaṃ kāuṃ' ti ṭhiyā aṇasaṇe | tato saṇaṃkumāreṇaṃ nāyā'mañcavuttaṃteṇaṃ kovamuvagaeṇaṃ daḍharajubaddho neyāvio so tāṇa samīvaṃ | tehiṃ aṇukaṃpāe moyāvio ṇamuī| saṇakumāro vi tesiṃ vaṃdaṇatthaṃ saṃteuro gao tamujjāṇaṃ, vaṃdiyā te bhattibahumāṇapuvayaṃ aṃteurasahieṇa | tao itthīrayaṇasunaṃdāe pāesu paḍaṃtīe sāisayaṃ alakaphāsamaṇubhavaṃteṇaṃ kāumārakhaṃ niyāṇaṃ saṃbhūeṇa | tao cittamuṇiṇā ciṃtiyaṃ-aho! dujayattaṃ mohassa, aho ! duiṃtayā iṃdiyāṇaṃ, aho! ummāyattaṃ visayāṇaṃ, jeṇesa sucariyatavo vi suviiyajiṇiṃdavayaṇo vi hu juvaivālaggaphāseṇa vi erisamajjhavasai | tato
"māsopavāsaṃ karoti vicitraṃ vanavāsaṃ niṣevate, paṭhati jñānaṃ dhyānena nityamātmānaṃ bhāvayati | dhārayati durdhara brahmacarya bhikṣāśanaṃ bhukne, yasya roṣastasya sakalametaniṣphalaṃ sampadyate ||1||"
u0a032