Uttarajjhayana p392

p392

sattamabhūmigāe | diṭṭhā ya tattha viyasiyakuvalayadalacchī vijjāharasuṃdari va parigaliyavijjā ekā pavaramahilā | pucchiyā ya sā teṇa — suṃdari ! kā si tumaṃ ? | tao sā sasaṃbhamameva jaṃpiḍaṃ pavattā - jahā mahābhāga ! mahaṃto maīo vaiyaro tā tumaṃ ceva sāhasu—ko vā tumaṃ ? kahiṃ vā payaṭṭo ? | tao soūṇa tīse koilālāvamahuraṃ vayaṇavināsaṃ samāvajjiyamāṇaseṇa avitahaṃ bhaṇiyaṃ teṇa — suṃdari ! ahaṃ paṃcālāhivaiṇo baṃbharāiṇo taṇao baṃbhadatto nāma | tao tavayaṇasavaṇāṇaṃtarameva āṇaṃdabāhaparipunnanayaṇā sahasa ściya abbhuṭṭhiyā, harisupphullaṇayaṇā paḍiyā tassa calaṇesuṃ, roviḍaṃ ca pavattā | tao kārunnagahiyahiyaeṇa teṇunāmiyaṃ vayaṇaṃ, 'mā ruyasu' tti bhaṇateṇa saṃṭhaviyā, pucchiyā ya — suṃdari ! kā si tumaṃ ? ti | tao phusiyaṇayaṇā bhaṇiḍaṃ payattā - kumāra ! ahaṃ tuha māulagassa pupphacūlarāiṇo dhūyā tumha ceva viinnā vivāhadiyahaṃ paḍicchamāṇī ṇiyagharujjāṇadīhiyāpuliṇe kīlaṃtī duṭṭhavijjāhareṇa ihāṇiyā, jāva ya baṃdhuvirahaggasaṃpalittā ciṭṭhāmi ahaṃ tāva tumaṃ aciṃtiyahirannavuṭṭhisamo sahasa ściya āgao, tā jāyā me jīviyāsā jaṃ tumaṃ diṭṭho sitti | tato teṇa vuttā- kahiṃ puṇa so maha sattū ? jeṇa se parikkhemi balavisesaṃ | tīe bhaṇiyaṃ – sāmi ! dinnā me teṇa paḍhiyasiddhā saṃkarī nāma vijjā, bhaṇiyaṃ ca - tuhesā sumariyamettā sahidāsāiparivārā houṃ āesaṃ kāhī, pañcaṇīyaṃ ca tujjhaṃtiyarmitaṃ nivārehī, sāhissai ya sā mama ceṭṭhiyaṃ tuha pucchiyā saṃtī | sumariyā ya sā mae, tā sāhemi
naḍummetto nāma esa vijjāharo jeṇāṇiyā ahaṃ, 'ṇa ya so maha punnāhiyāe teyaṃ sahiuṃ sakkai' tti maṃ mottuṃ vijānimmiyammi imammi siyaratta paḍāyābhūsie pāsāe pesiuṃ maha vaiyarajāṇāvaṇatthaṃ ṇiyabhagiṇīṇamaṃtie jāṇāvaṇiṃ nāma vijjaṃ sayaṃ gao vaṃsakuḍaṃgaṃ, vijjaṃ sāhiya niggao ya maṃ pariṇehi tti, ajjaṃ ca se kira vijjāsiddhī bhavissai |
1. nābyonmattaḥ |
citrasambhūtavaktavyatā |