Uttarajjhayana p394

p394

IA
citrasambhūtavaktavyatā|
maīe tāyassa pattīe cauṇhaṃ puttāṇaṃ uvari ahaṃ jāyā, vallahā aīva piuṇo | jovaṇatthā ya vuttā ahaṃ ranā-putti ! | sabe viruddhā mama rāiṇo tā ihaṭṭhiyā ceva jo tuha maṇoharo varo so kaheyabo tti | tao ahaṃ pallīo niggaṃtūṇa mahāsaravaraṃ gaṃtuṃ purise paloemi jāva tumaṃ diṭṭho punnehiṃ ti esa paramattho tti | tao sirikatāe samaṃ visayasuhamaṇuhavaṃtassa gacchaṃti diṇā | annayā so pallināho niyayabalasameo gao visayaṃ hatuṃ | so vi ya teṇa samaṃ gao | tāva ya diṭṭho teṇa taggāmabāhirāsanne kamalasaratīre sahasa ciya varadhaṇū | so vi taṃ pañcabhijāṇiūṇa asaṃbhāviyadasaṇaṃ roviuṃ payatto, saṃṭhavio ya teṇa | suhanisanneṇa pucchio varadhaṇuṇā kumāro-mama parokkhe kiṃ tae aṇubhūyaṃ ? | teṇa vi savaṃ sihati | teṇa vi pucchieṇa vuttaṃ-kumāra! subau, tayā haṃ nagyohaheṭṭhā tuma ṭhaviya jalaṭṭhā gao, tao diheṃ mae egaṃ mahāsaraṃ, tao puḍaeṇa ghettūṇa jalaṃ jāva tuhaṃtie payaṭṭo tāva ya sahasacciya sannaddhabaddhakavaehiṃ tāḍio dīhabhaḍehiṃ re re varadhaṇu ! kahiṃ baṃbhadatto?" tti bhaṇaṃtehiṃ | mae bhaṇiyaṃ-nayāṇāmi | tato tehiṃ daḍhayaraṃ tāḍijamāṇeṇa bhaṇiyaṃ mae-jahā vaggheṇa bhakkhio| | tehiṃ vuttaṃ-daṃsehiṃ taṃ desaṃ | tao haṃ io tao bhamaṃto kavaḍeṇa gao tuha dasaṇapaha, 'palāyasu' tti kayā tuha sannā | mayā |vi parivāyagadinnā muhe kayā guliyā, tappabhāveṇa ya jāo nicceyaṇo| tao 'mao' tti ṇāūṇa gayā te | cireṇa ya | kar̤iyā muhāo mae guḍiyā, tā tumaṃ gavesiuṃ pavatto, na mae diṭṭho| gao ega gāma, tattha diṭṭho ego parivāyago | teṇa 'vuttaṃ-tuha tāyassa ahaṃ mitto vasubhāgo nāma | kahiyaṃ ca teṇa-jahā dhaṇū palāo, māyā ya te mātaṃgapāḍae pakkhittā dīheṇa | tao evaṃ soūṇa mahādukkheṇa ahaṃ gahio gao kaṃpillapuraṃ, kāvāliyavesaṃ kāūṇa vaṃciūṇa | māyaṃgamayaharaṃ avahariyā māyā | tao egammi gāme piumittassa devasammassa māhaṇassa ghare mottūṇa māyaraṃ tumamannesaṃto| ihāgao | evaṃ suhadukkhaṃ maṃtaṃtā jāva acchaṃti tāva eko puriso āgao| teṇa vuttaṃ-jahā mahābhāga ! na kahiṃci