Uttarajjhayana p397

p397

trayodaśaṃ citrasambhūtīyākhyamadhyayanam |
śrīuttarā- dhyayanasūtre śrīnemica-
ndrīyā sukhabodhākhyā laghudhṛttiḥ | ||192||
citrasambhūtavaktavyatā|
bhaṇai-bhayavai ! tuma mama jaṇaṇī tā natthi kiṃ pi tumhamakahaṇīyaṃ, eyāe piyaṃgulaiyāe jo kahio so baṃbhadatta- kumāro jai me paī na hoi tā nūṇaṃ marāmi | tā eyamāyanniūṇa bhaṇiyā sā mae-vacche ! dhīrā hohiṃ, tahā karissaṃ jahā tuha samīhiyaṃ saṃpajjissai | tao sā kiṃci satthā jāyā | kalladiṇammi ya hiyayāsāsaṇatthaṃ bhaṇiyā sā mae- vacche ! diṭṭho so mae baṃbhadattakumāro| tīe vi soumevaṃ samūsasiyahiyayāe bhaṇiyaṃ-bhayavai ! tumha pasāeṇa savaṃ suṃdaraṃ bhavissai tti, kiṃtu tassa vissāsanimittaṃ buddhilavavaeseṇa imaṃ hārarayaṇaṃ karaṃḍae pakkhiviūṇa pesehi, baṃbhadattanāmaṃkiyaṃ| cema lehaṃ | nirūviyaṃ ca taṃ tahā kallaṃ mae | tā mahābhāga ! tuheso kahio levaiyaro, saṃpayaṃ paḍilehaṃ dehi | mae vi samappio tīe imo paḍileho-baṃbhadatto vi guruguṇavaradhaṇukalio tti māṇiuṃ maṇai | rayaṇavaī rayaṇivaī caṃdo iva caṃdaṇījogo ||1|| souṃ cemaṃ varadhaṇusāhiyamadivāe vi rayaṇavaīe jāo kumāro tammaṇo| tahasaṇasamāgamovāyamannesamāṇassa ya gayāṇi kaivayadiṇāṇi | annammi ya diṇe samāgao bāhirāo varadhaṇū saṃbhaṃto bhaṇi payatto, jahā'kumāra ! iha nayarisāmiṇā kosalāhiveṇa amhāṇa gavasaṇanimittaṃ pesiyā pañcaiyapurisā, pāraddho ya ṇayarisāmiṇā al uvakkamo' tti summai bahuso ghuṇāhuṇī| tao nāumeyaṃ vaiyaraṃ sāgaradatteṇa goviyā do vi bhūmiharae | samāgayā rayaṇī|
bhaṇio kumāreṇa sāgaradatto-tahā kuṇasu jahā amhe avakkamāmo| eyaṃ ca āyanniūṇa niggao ya nayarīo sāgaradatto| gayā thevaṃ bhūmibhāgaṃ | tao aṇicchamāṇaṃ pi kaha kaha vi niyattiūṇa sāgaradattaṃ payaṭṭā kumāra-varadhaṇū|
gacchatehiṃ nayarīe bāhiṃ jakkhāyayaṇujāṇapāyavaṃtarālaparisaṃṭhiyā paharaṇasamanniyarahavarasamīvatthā diṭṭhā ekā pavaraX mahilā | tao tīe sāyaramanmuṭṭhiūṇa bhaṇiyaṃ-kimettiyāo velāo tumhe samāgayā | taṃ ca souṃ kumāro bhaṇai
bhahe ! ke amhe ? | tīe bhaṇiyaṃ-sāmi ! tubbhe baṃbhadatta-varadhaṇuṇo| kumāro bhaṇai-kahameyamavagayaṃ ? | tīe