Uttarajjhayana p402

p402

*QXXXX XCXCXXXCXX
visesā sāyaraṃ pavesiyā niyayamaṃdiraṃ | annesiyā sabao tumhe, ṇa ya kahiṃci diṭṭhā| tā saṃpayaṃ pi suṃdaramaṇuṭṭhiyaṃ jamāgayā | evaṃ cā''laviūṇa nīo teṇa kumāro satthavāhamaṃdiraṃ | kayasaghovayārassa ya rayaṇavaīe saha vittaṃ pāṇiggaṇaṃ | tao tīe saha visayasuhamaṇuhavaṃto ciṭṭhai | annayā ya 'varadhaṇuṇo divasao' tti payaṃpiya bhojaṃ bhuṃjaṃti baṃbhaṇāiṇo, jāva sayaṃ caiva varadhaṇū jaṇiyabaṃbhaṇaveso bhoyaṇanimittamāgao, bhaṇiuṃ payatto – jahā bho ! sāhijjau tassa bhojjakāriṇo jahā jai majjha bhoyaṇaṃ payacchaha, tā tassa paraloyavattiṇo vayaṇoyarammi uvaṇamai | siddhaṃ ca tehiṃ tamāgaṃtūṇa kumārassa | viṇiggao kumāro | saharisaṃ paloio so kumāreṇa pañcabhinnāo ya, āliṃgiuṃ paviṭṭho maṃdiraṃ | nivattamajjaṇabhoyaṇāvasarammi ya pucchio teṇa varadhaṇū niyayapauttiṃ sāhiuṃ payatto - jahā tīe rayaṇīe niddāvasamuvagayāṇa tumhāṇaṃ piṭṭhao dhāviūṇa nibiḍakuḍaṃgaṃtaraṭṭhiyataṇuṇā ekkeṇa corapuriseṇa pahao bāṇeṇa, tao pahāraveyaṇāe parāyattattaṇao nivaḍio mahiyalammi, avāyabhīruttaṇao na sāhiyaṃ tumheṃ, volīṇo rahavaro tamaṃtarālaṃ, ahamavi parinibiḍataruaṃtarālamajjheṇa saṇiyaṃ saṇiyaṃ avakkamamāṇo kaha kahavi saṃpatto taṃ gāmaṃ jattha tumhe nivasiyā, sāhiyā ya taggāmāhivaiṇā tumha pauttī, samuppanna hiyayatoso ya pauṇapahāro bhoyaṇapatthaṇāvavaeseṇa samāgao ihahūṃ jāva diṭṭhā tumhe | evaṃ ca saharisamavirattacittāṇaṃ jaṃti diyā | annayā ya maṃtiyaṃ paropparaṃ baṃbhadatta varadhaṇūhiṃ— jahā kettiyaṃ kālaṃ mukkapurisagārehiṃ acchiyavaṃ ? | evaṃ ca ciṃtayaṃtāṇaṃ niggamovāyasamussuyāṇaṃ samāgao mahumāso | tammi ya payatte mayaṇamahūsave niggae ṇayarijaṇavae ujjāṇesu koūhaleṇaṃ gayā do vi kumāra-varadhaṇū | tao payatte nivbhare kīlārase kīḍaṃtesu vivihakīlāhiṃ taruṇanaranārīsatthesu atakkiyaṃ caiva mayaparavaso gāliyamiṃṭho niraṃkuso viyario rāyahatthī | samucchalio kalayalo | bhaggāo kīlāgo - ṭṭhīo | evaṃ ca payatte hallohalae ekkā bāliyā samunnayapaoharā viyaḍaniyaṃbabiṃvā mattakarikarorubhayā gheviraṃgī palāyaṃtī
citra
sambhūtavaktavyatā |