Uttarajjhayana p404

p404

hīresi vayaṇaṃ | tāva savilakkhaṃ hasiūṇa bhaṇiyaṃ tīe - kimaṃba ! tumhāṇa vi akahaṇijjamatthi ? kiṃtu lajjā etthāvarajjhai, tā subau - jeṇāhaṃ hatthisaṃbhamāo rakkhiyā teṇa saddhiṃ pāṇiggahaṇaṃ na hoi tā me avassaṃ maraṇaṃ saraṇaṃ ti | tao eyamāyanniūṇa kahio piuṇo tīe vṛttaṃto | teṇāvi tuha sabhīve ahaṃ pesiyā, to paḍicchasu imaṃ vāliyaṃ | manniyaṃ ca teṇa | pasatthādiyahe vitto vivāho | varadhaṇuṇo vi subuddhināmeṇāmacceṇa naṃdābhihāṇakannaṃ dāūṇa kathaṃ vivāhamaṃgalaṃ | evaṃ ca doha vi visayahamaṇuhavaṃtāṇaṃ aikaṃtā kaivayavāsarā | ucchaliyā savao tesiṃ pattī | tao gayā vāṇārasiṃ | tao baṃbhadattaṃ bāhiṃ ṭhaviḍaṃ gao varadhaṇū kaḍayasamīvaṃ | harisio eso sabalavāhaṇo niggao sammuho | tao samaicchiūṇāroviḍaṃ hatthikhaṃdhe pavesio niyabhavaṇe | kameṇa ya dinnā niyadhūyā kaḍayāvaī nāma aṇegagayahayarahabhaṃḍārasameyā | pasatthadiṇe vitto vivāho | tīe samaṃ visayasuhamaṇuhavaṃtassa vaccae kālo | tao dūyasaṃpesaṇeṇa samāgao sabalavāhaṇo pupphacūlo rāyā, dhaṇumaṃtī kaṇerudatto anne ya caṃdasīha-bhavadattādayo bahave rāyāṇo | tehiṃ varadhaṇū seṇāvaī abhisiṃciūṇa pesio dīharāiṇo uvari | payatto aṇavarayaṃ gaṃtuṃ | etyaṃtare pesio dīheṇa kaḍagāīṇa dūo | nivbhacchio ya so tehiṃ | appaṇā vi aṇavarayapayāṇaehiṃ gacchaṃtā pattā kaṃpillapuraṃ | tao samaṃtao niruddhaniggamapavesaṃ kayaṃ taṃ | tao so dīharāyā 'kettiyaṃ kālaṃ bile paviṭṭhehiṃ acchiyavaṃ ?' ti sāhasamavalaṃbiūṇa niggao sammuho | samāvaḍiyaṃ mahāsamaraṃ doṇha vi sennāṇaṃ | tao bhaggaṃ ṇiyasennaṃ daṭṭhūṇa dīho kāūṇa porusaṃ 'annā vi ṇatthi mukkho' tti kaliūṇa sammuhamuṭṭhio | tao taṃ pecchiūṇa baṃbhadatto saṃdhukkiyakovānalo calio tadabhimuhaṃ | laggamāohaṇaṃ | tao gaṃḍīva - khagga- kuṃta-gayā- bhiṃḍimālapamuhehiṃ pahariūṇa mukaṃ vaṃbhadatteṇa cakkaṃ | teṇa dīharāiṇo kabaṃdhī - kayaṃ sarīraṃ | tao 'jayai cakkavaṭṭī' tti ucchalio kalayalo | siddhagaṃdhadvehiṃ mukkā kusumavuṭṭhī, vṛttaṃ ca-jasa vārasamo
citra
sambhūtavaktavyatā |