Uttarajjhayana p406

p406

XXXXXXXXXXXXX
| īdṛśī daśāṃ gataḥ' iti capeṭābhirhantumārabdhaḥ| tena hanyamānenoce-'na mayā pūritaḥ' iti vilapannasau mocitaḥ kadartha-1 citrakebhyaḥ, pṛṣṭaśca-ko'sya pūrakaḥ ? iti | sa prāha-araghaṭṭasamīpavartī muniriti | tato rājā candanarasasekādimirlabdha- sambhūtacetano'vagatamunivarāgamavṛttāntaḥ tadbhaktisnehākṛṣṭacittaḥ saparikaro niryayau | dadṛśe ca tena munirudyāne, tuṣṭacetasā vanditaḥ, vaktavyatā| savinayamupaviṣṭastadantike | muninā'pyārabdhā dharmadeśanā-darśitā bhavanirguṇatā, varṇitāḥ karmabandhahetavaḥ, śvāghito mokṣamārgaḥ, khyāpitaḥ śivasaukhyātiśayaḥ| tataḥ saṃvignā pariṣat , na bhāvito brahmadattaḥ| prāha ca-yathā svasaṅgamasukhenā''hāditā vayaṃ tathā''hādayatu bhavān rājyasvīkaraṇena, paścāt tapaḥ samameva kariṣyāvaḥ, etadeva vā tapasaḥ phalam || munirāha–yuktamidaṃ bhavatāmupakārodyatānām , kevalaṃ durlabheyaṃ mānuṣyāvasthā, satataṃ yātukamāyuḥ, cañcalā śrīḥ, anavasthitā dharmabuddhiḥ, vipākakaṭavo viṣayāḥ, tadāsaktānāṃ dhruvo narakapātaḥ, durlabhaṃ punarmokṣabījam , viśeṣato viratiratnam , na tattyāgād dustaranarakapātahetukakatipayadinabhāvirājyāśrayamāhādayati cittaṃ viduṣām | tataḥ parityajya kadāśayaṃ smara prāgbhavānubhūtaduḥkhāni, piba jinavacanāmṛtarasam , sañcara taduktamārgeṇa, saphalīkuru manujajanmeti| sa prāha-bhagavan ! upanatasukhatyāgena adṛṣṭasukhavāñchā ajñānatālakṣaṇam , tanmaivamādiśa, kuru matsamīhitam | tataḥ punaruktamukto'pi yadā na pratibudhyate tadā cintitaṃ muninā-āḥ ! jñātaṃ pūrvabhave sanatkumāracakristrīratnā'lakasaṃsparśanavedanād jātābhilāṣātirekeṇa | mayā nivāryamāṇenāpi kṛtaṃ tatprāptyarthaṃ sambhūtena satā nidānam , tadidaṃ vijṛmbhate | ataḥ kāladaṣṭavadasādhyo'yaṃ jinavacanamatratatrāṇāmiti | gato muniḥ, kālāntareṇa mokṣaṃ ca prāptaḥ | rājño'pi cakrisukhamanubhavato'tītaḥ kaścit kālaḥ | | anyadaikena dvijātinokto'sau-bho nṛpeśa! mamedṛśī vāñchā utpannā yadi cakribhojanaṃ bhuje| rājñā uktam-bho| dvija! na māmakamannaṃ tvaṃ bhoktuṃ kṣamaḥ, yato māṃ hitvā etadannamanyasya na samyak pariṇamati | tato dvijenoktam-dhigastu te XI