Uttarajjhayana p422

p422

ṣaṇṇām iṣukārarājādīnāṃ vaktavyatā|
sāhūhiṃ bhannai-bhavissaṃti duve dāragā, te ya ḍaharagā ceva pavaissaṃti, tesiṃ tubbhehiṃ vāghāo na kāyadyo pavayaṃtāṇaṃ, te subahu saṃbohissaṃti' tti bhaṇiūṇa paḍigayā devā | nāicireṇa ya caiūṇa tassa purohiyassa bhāriyāe vāsiṭṭie duve vi uyare pañcāyāyā| tao so purohio sabhārio nayarāo niggaṃtuṃ pañcaṃtagāme ṭhio| tattheva sā māhaṇī pasūyā | dārayā jāyā| tao 'mā pavaissaṃti' tti kāuṃ māyāvittehiṃ vuggāhiyā-jahā ee pavaiyagā ḍikkarūvāṇi ghettuṃ māreṃti, pacchā tersi maṃsaṃ khāyaṃti, taṃ mā tubbhe kayāi eesi alliissaha | annayā te tammi gāme ramaṃtā bāhiṃ niggayā | io ya addhāṇapaḍivannayā sāhū āgacchaṃti | tao te dārayā sāhū daddūṇa bhayabhīyā palāyaṃtā egammi vaḍapāyave ārūḍhā | sāhuṇo samāvattīe gahiyabhattapāṇā tammi ceva vaḍahetu ṭhiyā, muhuttaṃ ca vīsamiūṇaṃ bhuṃjiuṃ pavattā | te vaḍārūḍhā pāsaṃti sābhāviyaṃ bhattapāṇaṃ, ṇatthi maṃsaṃ ti | tao ciṃti pavattā-kattha amhe eyārisāṇi rūvāṇi diṭṭhapuvāṇi ti jāī saṃbhariyā, saṃbuddhā | sāhuṇo vaṃdiuṃ gayā ammāpiusamīvaṃ | māyāvittaṃ saṃbohiūṇa saha māyāvittehiṃ pavaiyā | devīe rāyā saṃbohio| tāṇi pavaiyāṇi | evaṃ tāṇi chāvi kevalanāṇaṃ pāviūṇa nivāṇamuvagayāṇi || iha tu sūtroktasyāpyarthasyāmidhānaṃ prasaṅgata ityadoṣaḥ | samprati sūtramanusriyate
devā bhavittā ṇa purebhavammī, keī cuyā egavimāṇavāsī| pure purāṇe usuyāraṇāme, khāe samiddhe suralogaramme ||1|| sakammaseseṇa purākaeṇaṃ, kulesudaggesu ya te pasūyā| ṇivinna saṃsārabhayā jahāya, jiṇiṃdamaggaṃ saraṇaṃ pavannā ||2||
u0a035