Uttarajjhayana p448

p448

bhikṣorguṇavaktavyatā|
āyāmagaṃ ceva javodaṇaṃ ca, sīyaṃ sovīrajavodagaṃ ca |
ṇo hīlae piṃḍaṃ ṇīrasaṃtu, paṃtakulāī parivae sa bhikkhū ||13|| . vyākhyā sāmanyāyāmakam avaśrāvaṇa
vyākhyā-āyāmameva 'āyāmakam avaśrāvaṇaṃ 'caḥ' samuccaye, 'evaḥ' pūraṇe, 'yavodanaṃ ca' yavabhaktaṃ 'śītaṃ' śītalaṃ X sauvīraṃ ca-kāñjikaṃ yavodakaṃ ca-yavadhāvanaṃ sauvīrayavodakam , tacca 'no hīlayet' dhigidaṃ kimanenāniṣṭena ? iti na
nindet , 'piṇḍam' āyāmakādi eva nīrasamapi, tuśabdasya apyarthatvād ata eva prāntakulāni yaḥ parivrajet sa bhikṣuriti sūtrārthaḥ || 13 || anyacca
saddā vivihā bhavaṃti loe, divā māṇussayā tahā tiricchā|
bhīmā bhayabheravā urālā, jo socā ṇa vihejaī sa bhikkhū ||14|| vyākhyā-śabdāḥ 'vividhāḥ' vimarśapradveṣādinā vidhīyamānatayā nānāprakārā bhavanti loke 'divyāḥ' devasambandhinaḥ 'mānuṣyakāḥ' manuṣyasambandhinaḥ, tathā 'tairaścāḥ' tiryaksambandhinaḥ 'bhīmāḥ' raudrāḥ, bhayena bhairavāḥ-atyantasādhvasotpādakā bhayabhairavāḥ 'udārāḥ' mahāntaḥ, yaḥ śrutvā prakramāt tāneva śabdān 'na vyathate' dharmadhyānato na calati sa bhikṣuriti sūtrārthaḥ || 14|| ityetāvatā siṃhavihāritāyāṃ nimittamuktam , samprati samastadharmamūlasamyaktvasthairyamāha
vāyaṃ vivihaṃ samica loe, sahie kheyāṇugae ya koviyappā|
panne abhibhūya sabadaṃsī, uvasaṃte aviheḍae sa bhikkhū ||15|| vyākhyā-vāda 'vividhaṃ' "muṇḍasya bhavati dharmaḥ, tathā jaṭābhiḥ savāsasāṃ dharmaḥ | gṛhavāse'pi ca dharmo, vane'pi vasatāṃ bhavati dharmaḥ || 1||” ityādidarśanāntarābhiprāyarūpaṃ 'sametya' jñātvā loke sahitaḥ prāgvat, khedayatyanena karmeti