Uttarajjhayana p466

p466

'āsane pīṭhādau 'anāyuktaḥ' anupayuktaḥ san , śeṣaṃ prāgvat || 13 || tathā sarajaskapādaḥ svapiti, kimuktaṃ bhavati ?- pāpasthānaasaṃyama pratyabhīrutayā pādāvapramṛjyaiva śete, tathā 'śayyāṃ' vasatiṃ na pratilekhayati, 'saṃstārake' kambalādau supta iti | varjanaśepaḥ, 'anāyuktaḥ' "kukuḍipāyapasāraṇa āyāmeuṃ puṇo vi āuṃṭe" ityādyāgamānupayuktaḥ, śeṣaṃ tathaiva || 14 || tapo- vaktavyatā| | viṣayaṃ pāpaśramaṇatvamāha-"duddhadahi" ti dadhidugdhe, vikṛtihetutvād vikṛtī, upalakṣaṇatvād ghṛtādyaśeṣavikṛtiparigrahaḥ,
āhārayati 'abhīkṣṇaṃ' vāraṃ vāraṃ tathāvidhapuṣṭālambanaṃ vineti bhāvaḥ, ata eva arataśca 'tapaḥkarmaṇi' anaśanādau, śeṣana prāgvat || 15 || tathā astamayati 'caḥ' pūraṇe sūrye āhārayati 'abhīkṣṇaṃ' punaḥ punardine dine ityarthaḥ, yadi cāsau kenacid gītārthasādhunā codyate, yathā-āyuṣman ! kimevaṃ tvayā''hāratatpareṇaiva sthīyate ? durlabhā khalviyaṃ manujatvādicaturaṅgasāmagrī, tata etāmavāpya tapasyudyantumucitamiti, tataḥ kim ? ityāha-"coio paḍicoei" tti coditaḥ | praticodayati, yathā-kuśalastvamupadeśadāne na bu svayamanuṣṭhāne, anyathā kimevamavagacchannapi bhavān na vikṛṣṭatapo'nu| tiṣṭhati ?, śeṣaṃ tathaiva || 16 || 'ācāryaparityāgī' te hi tapaḥkarmaṇi viṣīdantamudyamayanti, ānītamapi cānnādi bāla|glānādibhyo dāpayanti, ato'tīvāhāralobhena tatparityajanaśīlaḥ | parapāṣaṇḍān-saugatādīna "mṛdvī śayyā prātarutthāya peyā" ityādyabhiprāyavato'tyantāhāraprasaktān sevate tathā tathopasarpati iti parapāṣaṇḍasevakaḥ, tathā svecchācāritayā gaṇād gaṇaṃ ṣaṇmāsābhyantara eva saṅkāmatīti gāṇaṅgaṇika ityāgamikī paribhāṣā, ata eva duṣṭaṃ bhūtaṃ-jātamasya 'durbhūtaḥ' durācāratayā nindyo bhūta ityarthaḥ ||17|| vīryācāraviṣayamāha-svakaṃ gṛhaṃ parityajya paragehe "vāvaḍi" tti 'vyāpriyate' piṇḍādyarthī svatastatkṛtyāni kurute, 'nimittena ca' śubhāśubhakathanādinā 'vyavaharati' dravyādyarjanaṃ karoti || 18 ||
1 "kukuṭīvatpādaprasāraṇaṃ āyamya punarapi bhākuñjayet |"