Uttarajjhayana p497

p497

śrīuttarādhyayanasūtre
śrīnemicandrīyā sukhabodhākhyā laghuvṛttiḥ |

teṇa bhaṇiyaṃ— mahārāya ! mae nimittamavaloiyaṃ - jahā poyaṇāhibaiṇo io sattame divase majjhaṇhasamae iṃdāsaṇī ḍissai | taṃ ca kannakaḍuyaṃ soūṇa maṃtiṇā bhaṇiyaṃ tujjha puṇa uvariṃ kiṃ paḍissai ? | teṇa bhaṇiyaṃ -mā kuppaha, mae jahā uvaladdhaṃ nimittaṃ tahā sāhiyaṃ, na ya mah ettha koi bhāvadoso, majjhaṃ ca tammi divase hirannavuṭṭhī paḍissai | evaṃ ca teṇa bhaṇie mae bhaṇiyaṃ — kahiṃ tae evaṃvidhaṃ nimittamāgamiyaṃ ? | teṇa bhaṇiyaṃ - ahamayalasāminikkhamaṇakāle saha piuṇā pavaio, tattha mae ahijjiyaṃ ar̤aṃga pi nimittaṃ, tato ahaṃ pattajovago puvadattakannābhāugehiṃ uppavāvio, kammapariṇaivaseṇa mae sā pariṇīyā, tao mae sabannuppaṇīyanimittāṇusāreṇa paloiyaṃ - jahā poyaṇāhivaiṇo vijjunivāyaḍabaddavo ti | evaṃ ca teṇa siṭṭhe egeṇa maṃtiṇā bhaṇiyaṃ - jahā rāyā samuha majjhammi pavahaṇe kīraḍa, tattha kila vijjū na pahavai | antreṇa bhaṇiyaṃ na devaniogo annahā kāuṃ tīrai ci, jato – “dhārijjai iṃto sāyaro vi kallolabhinnakulaselo | na hu annajammanimmiyasuhāsuho kammapariṇāmo || 1 ||” avareṇa maṃtiṇā bhaṇiyaṃ - 'poyaṇāhivaiṇo vaho samāiṭṭho na uṇa sirivijaya mahārāiṇo, tā sattamadivase avaro koi poyaṇāhivaī parikappijjaḍa' tti maṃtiūṇa vesamaṇajakkho paḍimārūvo miliūṇa rajje ahisitto | sattame divase majjhaṇhasamayammi samuppanno meho, phuriyaṃ vijjulayāe, gajjiyaṃ jalahareṇa | tato samaṃtato phuriūṇa vijjulayāe paḍiūṇa jakkhahare jakkhapaḍimā viṇāsiyā | ahaṃ ca posahasālāe sattarattosio āgato sabhavaṇaṃ, ahinaṃdio ya paurehiṃ puṇo vi ahisitto rajje, pūito nimittito | tā eyaṃ vaddhāvaṇayakāraṇaṃ ti | evaṃ ca soūṇa bhaṇiyaṃ amiyateeṇaṃ - avisaṃvāda nimittaṃ, sohaṇo rakkhaṇovāto | tayaṇaṃtaraṃ ca sirivijato sutārāe saddhiṃ gao bāhirujjāṇaṃ | tattha ya kaṇayachaviṃ pāsiūṇa miaṃ bhaṇiyaṃ sutārāe - jahā piyayama ! sohaṇī esa mio, tā āṇehi eyaṃ me khelaṇayanimittaṃ | tato sayameva pahāvio rāyā | paṭhāṇo ya mato thebaṃ
aṣṭādarśa saṃgatī
yākhyama
dhyayanam |
śrīśānti
nāthacakriṇo