Uttarajjhayana p528

p528

mahābalarājasya
vaktavyatā|
daraṇacare, ettha ṇaṃ jahā sudukaraṃ javā lohamayā cāvettae, gaṃgāmahānaīe paḍisoya gamittae, mahāsamudaṃ bhuyāhiṃ tarittae, | dittaṃ vā aggisihaṃ pivittae, tahā duraṇucaraṃ eyaṃ asidhārāsaṃcaraṇaṃ va vayaṃ carittae; no khalu kappai jāyā! nigga
thāṇaṃ āhākammie vā jāva bīyabhoyaṇe vā bhuttae vā, tumaṃ si ṇaṃ jāyā ! sukumāle suhoie nālaṃ khuhā-pivāsā-sī| uṇhāiparīsahovasagge ya uiṇṇe bhūmisayaṇe kesaloce aṇhāṇe baṃbhacere bhikkhāyariyaṃ ca ahiyāsittae, taṃ acchāhi tāva jāyā ! jāva'mhe jīvāmo | tae ṇaṃ se mahabale evaṃ vayāsī-ime khalu niggaṃthe pāvayaṇe duraṇucare kīvāṇaṃ kāyarāṇaṃ ihaloyapaḍibaddhāṇaṃ paraloyaparammuhāṇaṃ, dhīrassa nicchiyamaissa no khalu ettha kiṃci dukaraṃ, taṃ aṇujāṇaha mamaṃ pañcaittae | tae ṇaṃ mahābalaṃ kumāraṃ ammāpiyaro jāhe no saṃcāeṃti pannavittae tāhe akāmāī ceva aṇumaṇṇitthā | tae ṇaṃ bale rāyā koḍuṃbiyapurisehiṃ hathiṇāraṃ nayaraṃ sabhitarabāhiriyaṃ āsiyasammajjitovalitaṃ kāravei jahā uvāie| |tae ṇaṃ te ammāpiyaro mahābalaṃ kumāraṃ sīhāsaṇavaraṃsi puratthābhimuhaṃ nisīyāviti | aṭṭhasaeṇaṃ sovanniyāṇaṃ kalasāṇaṃ jāva aṭṭhasaeṇaṃ bhomejjāṇaṃ sabiḍīe jāva raveṇaṃ mahayā nikkhamaṇābhiseeṇaṃ abhisiṃcaṃti, karaṃjaliṃ sirasi kaṭu evaṃ vayāsī-bhaṇa jāyā ! kiṃ demo ? kiṃ piyaṃ karemo? ke ṇaṃ te aṭṭho'| tate ṇaṃ se mahabale evaṃ vayāsī-icchāmi | ṇaṃ ammatāto ! kuttiyāvaṇāo sayasahasseṇa egeṇaṃ paḍiggahaṃ egeṇaṃ rayaharaṇaṃ egeṇaṃ kāsavayaṃ ca saddāveuṃ | tae ṇaṃ bale | rāyā koḍuṃbiyapurisehiṃ kuttiyāvaṇāo rayaharaṇaṃ paḍiggahaṃ ca sayasahasseṇaṃ patteyamāṇāvei, kāsavagaṃ ca sayasahasseṇaṃ | saddāvei | tae ṇaṃ se kāsave suibhūe baleṇa rannā abbhaṇunāe samāṇe aṭṭhaguṇāe pottīe piṇaddhamuhe cauraṃgulavaje kese kappei | tae ṇaṃ sā pabhāvatī chinnamuttāvalippagāsāī aṃsuyāiṃ viṇimmuyamāṇī haṃsalakkhaṇeṇaṃ paḍasāḍaeṇaṃ te paḍicchai |
nāpitam |