Uttarajjhayana p568

p568

ariṣṭanemicaritram |
jāo, iyarā vi tammitto| tato cuo dhaṇo saṃkharāyā jāto, sā vi jasamaī tasseva kaṃtā | tattha saṃkho paḍivanamuṇidhammo arahaṃtavacchallāiheūhiṃ nibaddhatitthayaranāmo uvavanno avarāiyavimāṇe | jasamaī vi sāhudhammapahāveṇa tatthevo-10 vavaṇṇā | tato caviūṇa dhaṇo soriyapure nayare dasaṇhaṃ dasārāṇaṃ jeṭṭhassa samuddavijayassa rāiṇo sivādevīe bhāriyāe kuñchisi coddasamahāsumiṇasūito kattiyakiṇhabārasīe uvavanno puttattāe | uciyasamaeṇa ya sāvaṇasuddhapaṃcamīe pasūyā sivādevī dārayaṃ | disākumārikayajāyakammasurāsuravihiyajammābhiseyāṇaṃtaraṃ kayaṃ rāiṇā vaddhāvaṇayaṃ | diṭṭho riharayaṇamato nemī sumiṇe gabbhagae imammi sivāe tti 'ariṭṭanemi' tti kayaṃ piuṇā nāmaṃ | jāto aṭṭhavariso| etthaṃtare ya hariṇā kaṃse viṇivāie jīvajasāvayaṇeṇa jāyavāṇamuvari āsurutto jarāsaṃdho mahārāyā| tayāsaṃkāe gayā pacchimasamudaṃ te jāyavā| tattha kesavārāhiyavasamaṇakayāe savakaṃcaṇamayāe bārasajoyaṇāyāmāe navajoyaṇavittharāe bāravaīe suheṇa ciṭṭhati | kāleṇa ya nihayajarāsaṃdhā rāma-kesavā bharahaddhāhivaiṇo rāyā jāyā | aridvanemī ya bhayavaṃ jovaṇamaṇupatto visayaparammuho visiṭṭhakīlāhiṃ kīlaṃto sabajāyavapio hiṃḍai jahicchāe | annayā samāṇavaya-vesā-ssyārehiṃ nivakumārehiṃ saha ramaṃto gato hariṇo āuhasālāe, diṭṭhāī devayāhiṭṭhiyāiṃ aṇegāī āuhāī| tato divaṃ kālavaḍhe geṇhaṃto pāesu nivaḍiūṇa bhaṇito āuhapāleṇa—kumāra! kimaṇeṇa sayaṃbhuramaṇabāhataraṇavinbhameṇa asakkāṇuṭhāṇeṇaṃ ?, na khalu mahumahaṇaṃ vajiya sadevamaṇuyāsure vi loe imaṃ āroviuṃ koi satto | tato īsihasaṃteṇa tamavagaṇiūṇaṃ āroviyaṃ līlāe, apphāliyā jīvā | tīe raveṇa ya kaṃpiyā meiṇī, tharahariumāraddhā giriṇo, uttaṭṭhahiyayā ito tato palāyaṃti jala-thala-khahacāriṇo jaṃtugaṇā | tato acaṃtavimhiyāṇā''rakkhiyanarāṇaṃ mottūṇa kālavaḍhaṃ puṇaruttaṃ vāraṃtāṇa vi gahito paṃcayaṇṇo saṃkho, āūrito ya kougeṇa | tassa saddeṇa bahiriyaṃ savaṃ pi bhuyaṇaṃ, ākaṃpiyaṃ sadevamaṇuyāsuraṃ pi
XOXOXOXOXOXOXOXOXOXOR