Uttarajjhayana p570

p570

ttaṇaṃ | tato hasiūṇa bhaṇiyaṃ nemināheṇa - muddhāto ! asurūvāṇaṃ bahudosālayāṇaṃ tucchasuhanibaṃdhaṇāṇaṃ athirasaṃgamā | ramaṇīṇaṃ saṃgeṇa na hoi saphalaṃ narattaṇaṃ, avi ya egaṃtasuddhāe nikkalaṃkāe niruvama suhāe sāsayasaṃjogāe siddhibahūe cevovajjaṇeṇa tassa saphalattaṃ | jato – “māṇusattāisāmaggī, tucchabhogāṇa kāraṇe | koḍiṃ varāḍiyāe cha, hāriṃti abuhā jaṇā ||1||" ahaṃ siddhinimittameva jaissaṃ | sāhito tāhiṃ kumārābhippāto hariṇo | tao teṇa sayaṃ ciya bhaṇito | nemī - kumāra ! usabhāiṇo vi titthayarā kāūṇa dārasaṃgahaṃ jaṇiūṇa taṇae pūriūṇa paṇaijaṇamaṇorahe pacchimavayammi | pavaiyā tahā vi saṃpattā mokkhaṃ, to esa paramattho — dārasaṃgaddeṇa pūresu dasāracakkassa maṇorahe | tato nibaṃdhaṃ nāūṇa | bhāvipariṇāmaṃ ca viyāṇaṃteṇa paḍivannaṃ harivayaṇaṃ nemiṇā | kahiyaṃ ca taṃ dasāracakkassa hariṇā | teṇa vi saṃjāyaharisāiregeṇa bhaṇito harī — varesu kumārāṇurūvaṃ rāyakumāriyaṃ | diṭṭhā gavesaṃteṇa uggaseṇarāyaduhiyā rāyamaī kannagā | sā puṇa dhaṇavaijīvo aparājiyavimāṇāto caviūṇa ya tatthovavannā | tato 'sā caivāṇurūva' tti maggito uggaseṇo | teṇa vi sahariseṇa 'maṇorahāiritto eṃsa aṇuggaho' tti bhaṇiūṇa dinā | tato kārāviyaṃ dosu vi kulesu vaddhāvaṇayaṃ | annadiyahammi kārāvito vārejjamahūsavo | tao nivattiesu tayaṇurūvesu bhattavatthālaṃkārāīsu karaṇijjesu paramāṇaṃdeṇa patto vārijjiyavāsaro | jahāvihiṃ pauṃkhiyā rāyamaī, kayā savālaṃkārasārā | kumāro vi pasāhito divaramaṇīhiṃ samārūḍho mattavāraṇaṃ | samāgayā dasārā saha baladeva - vāsudevehiṃ | samāhayāī tūrāī, ūsiyaṃ siyāyavattaṃ, āūriyā jamalasaṃkhā, pagāiyāī maṃgalāī, jayajayāviyaṃ māgahehiṃ | tato thubaṃto naradevasaṃgheṇa ahilasijjaṃ to suranararamaṇīhiṃ pecchito sabaloeṇaṃ mahāvicchaḍeṇa patto vivāhamaṃḍavāsanaṃ | rāyamaī vi nemikumāraṃ dahūṇa āṇaṃdaparabasā | saṃjāyā | avi ya - kā haṃ ? kimettha vaṭṭai ?, kattha va ciṭṭhāmi ? ko imo kālo ? | jiṇadaṃsaṇutthapaharisa- hariyamaṇā
BX BXoXoxoxoxoxoxo
ariṣṭanemicaritram |