Uttarajjhayana p572

p572

bahudevadānavaparivuḍo duvāradese ego divapuriso, takkhaṇaṃ ca niyattiya so samārūḍho suraselaṃ, nisanno sīhāsaṇe, aṇege samāgayā jaṃtuṇo, ahaṃ pi tattheva gayā, so cauro cauro sārīramāṇasaduhapaṇāsagāṇi kappapāyavaphalāṇi tesiṃ dito mae bhaṇio - bhayavaṃ ! mama vi desu imāṇi, dinnāṇi ya teṇa, tayaṇaṃtaraṃ ca paḍibuddhā ahaṃ | sahīhiṃ bhaṇiyaṃ – piyasahi ! muhakaḍuo vi te esa sumiṇato jhatti pariṇāmasuṃdarī hohi tti | ito tatto niyatto nemināho | caliyāsa - hiṃ paḍibohio 'bhayavaṃ ! sabajagajjīvahiyaṃ titthaṃ pavatehi' tti bhaṇatehiṃ logaṃtiyadevehiṃ gato jaṇaṇi-jaṇayasayāse, viraiyakarakamalamaḍaleṇa ya bhaṇiyaṃ - ammo ! virattaṃ me bhavacāragāo cittaṃ taṃ icchāmi ahaṃ tubbhehiṃ aṇuṣṇāto pavaiuṃ | imaṃ ca soūṇa soyasaṃghaṭṭaniruddhahiyayā kaṃpirasarīrā cuṇṇiyavalayā nivaḍiyā mahīyale | miliyaṃ tattha dasāracakkaṃ | jalābhiseyāiṇā laddhasannā imaṃ bhaṇiumāḍhattā - kīsa jāya ! pasaraṃtamaṇorahavalliummūlaṇeṇa soyasāyare khivesi amhe ?, kīsa vā paḍivannapatthaṇābhaṃgeṇa jaṇesi maṇasaṃtāvāiregaṃ dasāracakkassa ?, annaṃ ca - jāya ! evaṃ kīramāṇe | sayaṃmaggiyarāyamaikannago harī kahaṃ dāvissai uggaseṇarāyassa muhaṃ ? kahaṃ vā bhavissai jīvaṃtamayagā varāī rāyamaī ?, tā amhovaroheṇa caiva tīe karesu pāṇiggahaṇaṃ, pariṇayavato ya kāhisi pavajjaṃ | tato bhaṇiyaṃ bhayavayāammo ! mā karesu maṇasaṃtāvaṃ, paribhāvesu aṇiccattaṃ savabhāvāṇaṃ, ciṃtesu vivāgadāruṇattaṃ atittijaṇagattaṃ ca visayāṇaṃ, tahā - athirattaṇaṃ jovaṇassa, caṃcalattaṃ ca riddhīṇaṃ, saṃjhāsamayasamāgamekkataruvāsisauṇāṇaṃ va thovasaṃjogattaṃ piyaputtāibaṃdhujaṇāṇaṃ, athaṃḍa pahārittaṇaṃ manussa, jammajarāmaraṇarogāidukkhapaurattaṃ ca saṃsārassa āloesu, tā aṇujāṇasu maṃ imāto bhavapalīvaṇāo nīharaṃtaṃ | etyaṃtare dasāracakkeṇa viraiyakaraṃjaliṇā bhaṇito nemī - kumāra ! tae saṃpaī caiva paricattassa jāyavavaggassa atthamai va jiyaloo, tā paḍicchāhi tāva kaṃci kālaṃ | tato uvaroha sīlyāe saṃvaccha
ariṣṭanemicaritram |