Uttarajjhayana p58

p58

pacchimāṇaṃ arahaṃtāṇaṃ bhagavaṃtāṇaṃ acelae pasatthe bhavai | taṃjahā - 'appā paḍileho vaisāsie rūve tave aṇumae lāghave | pasatthe viule iṃdiyaniggahe' tti || sacelakatvasya tu dharmmahitatvamadhyādyārambhanivārakatvena saṃyamaphalatvāt | jñānī 'no paridevayet' acelasya sataḥ kimidānīṃ śītādipīḍitasya mama śaraṇam ? iti na dainyamālambeta iti sūtrārthaḥ || 13 ||
udāharaṇamāha — teṇaṃ kāleṇaṃ teṇaṃ samaeṇaṃ jīyaṃtasāmipa ḍimāvaiyareṇa samuppannaṃ atthi dasapuraṃ nāma nagaraṃ | tattha somadevo māhaṇo, tassa ruddasomā bhāriyā, tīse putto rakkhio, tassāṇujo phaggurakkhio | so ya rakkhio jaṃ piyā se jāṇai taṃ tattheva ahijjiuṃ pacchā 'ghare na tīrai paḍhium̐' ti gato pāḍaliputtaṃ | tattha cattāri vee saṃgovaṃge adhī | samattapārāyaṇo sākhāpārao jāo | kiṃ bahuṇā ? coddasa vijjāṭhāṇāṇi gahiyāṇi teṇa | tāhe āgao dasapuraṃ | te ya rāyakulasevagā najjaṃti rāyakule, teṇa saṃvidiyaṃ ranno kayaṃ, jahā – emi | tāhe ūsiyapaḍāgaṃ nagaraṃ kathaṃ | rāyā sayameva ammogaiyāe niggao, diṭṭho sakārio aggāhāro ya se dinno | evaṃ so nagareṇa saveṇa abhinaṃdijjaṃto hatthikhaṃdhavaraṇaśo appaṇī gharaṃ patto | tattha vi bāhirabbhaṃtariyā parisā āḍhāi pacchā gharaṃ gao | taṃ pi caṃdaṇakalasāisohiyaṃ | tattha bāhiri - | yāe uvadvāṇasālā ṭhio loyassa agdhaṃ paḍicchai | tāhe vayaṃsage baṃdhū ya sabe āgae pecchai | diṭṭho pariyaṇeṇa jaṇeṇa aggheṇa pūio, gharaṃ ca se duppayacauppayahirannasuvannāiṇā bhariyaṃ | tāhe ciṃtei – ammaṃ na pecchāmi | tāhe gharaṃ ainao | māyaramabhivāei | tāe bhannai – sāgayaṃ putta ! tti | puṇaravi majjhatthā caiva acchai | so bhaṇai - kiṃ na ammo ! tubbhaṃ tuṭṭhī ?, jeṇa mae savaṃ nayaraṃ vimhaiyaṃ cohasāṇaṃ vijjāṭhāṇāṇaṃ āgame kae | sā bhaṇai — kahaṃ putta ! mama tuṭṭhī bhavissai ? jeṇa tumaṃ bahūṇaṃ sattāṇaṃ vahakaraṇaṃ ahijjiumāgao, jeṇa saṃsāro vaḍhijjai, teṇa kahaṃ tussāmi ?, kiṃ tumaṃ diṭṭhivāyaṃ paḍhi māgao ? | pacchā so ciṃtei — kittio so hohī ? taṃ pi ahijjāmi jeṇa māutuṭṭhī bhavai,