Uttarajjhayana p666

p666

XCXCXCXX CXCXCXXXXXX
aṃtakiriyaṃ kappavimāṇovavattiyaṃ ārāhaṇaṃ ārāhei || 14 || kālapaḍilehaṇāe ṇaṃ bhaṃte ! jīve kiṃ jaṇei ? kālapaḍilehaṇāe ṇaṃ nāṇāvaraṇijjaṃ kammaṃ khavei ||15|| pāyacchittakaraṇeṇaṃ bhaṃte! jīve kiṃ jaṇei ? pāyacchittakaraṇeṇaṃ pāvakammavisohiṃ jaṇei niraiyāre āvi bhavai, sammaṃ ca ṇaṃ pāyacchittaṃ paḍivajjamāṇe maggaṃ ca maggaphalaṃ ca visohei, āyāraṃ āyāraphalaṃ ca ārāhei || 16 || khamāvaṇayāe ṇaṃ bhaṃte ! jīve kiṃ jaṇei ? khamāvaṇayāe ṇaṃ palhāyaṇabhāvaṃ jaṇei, palhāyaṇabhāvamuvagae ya saṅghapāṇabhūyajīvasattesu mittībhāvaṃ uppāei, mittībhāvamuvagae ya jīve bhāvavisohiṃ kāūṇa nibhae bhavai || 17 || sajjhāeṇaṃ bhaṃte ! jīve kiṃ jaṇei ? sajjhāeṇaṃ nāṇāvaraṇijaṃ kammaṃ khavei || 18 || vāyaṇāe ṇaṃ bhaṃte! jīve kiṃ jaṇei ? vāyaṇāe ṇaṃ nijjaraṃ jaṇei, suyassa ya aṇusajjaṇāe aṇāsāyaṇāe baṭṭai, suyassa ya aṇusajjaṇāe aṇāsāyaṇāe vahamāṇe titthadhammaṃ avalaṃbei, titthadhammamavalaṃbamāṇe mahānijjarāe mahāpajjavasāṇe havai || 19 || paḍipucchaṇāe ṇaṃ bhaṃte! jīve kiṃ jaṇeha ? paḍipucchaṇāe ṇaṃ suttatthatadubhayāiṃ visohei, kaṃkhāmohaṇijjaṃ kammaṃ bucchideha || 20 || pariyahaṇayāe ṇaṃ bhaṃte ! jīve kiṃ jaṇei ? pariyahaṇayāe ṇaṃ vaṃjaṇāī jaṇei vaṃjaṇaladdhiṃ ca uppāei || 21 || aṇuppehāe ṇaṃ bhaṃte! jīve kiṃ jaṇei ? aṇuppehāe ṇaṃ āuyavajjāo satta kammapayaḍīo dhaṇiyabaṃdhaṇabaddhāo siḍhilabaṃdhaṇabaddhāo pakarei, dīhakālaṭṭhiīyāo hassakālaṭṭhiīyāo pakarei, tivāṇubhāvāo maṃdāṇubhāvāo pakarei, bahuppaesaggāo
trisaptatipadānāṃ phalanirūpaṇam |