Uttarajjhayana p722

p722

pramādasya sthānāni |
COS
FOXOXOXOXOXOXOXOXOXXX
kadācit strīsampāte yatkartavyaṃ tadāha-'na' naiva rūpaṃ-susaṃsthānatā lāvaṇyaṃ-nayanamanasāmāvādako guṇaḥ vilāsā:viśiṣṭanepathyaracanādayaḥ hāsa:-pratīta eṣāṃ samāhāraḥ, na 'jalpitam' ullapitaṃ "iṃgiya" tti bindulopāt 'iṅgitam' aṅgabhaṅgādi vīkṣitaṃ' pratītaṃ 'vā' samuccaye, strīṇāṃ sambandhi citte 'niveśya' aho! sundaramimiti vikalpataḥ sthāpayitvā 'draṣṭum' indriyaviṣayatāṃ netuṃ vyavasyet śramaṇaḥ tapasvī || kimityevamupadiśyate ? ityāha-adarśanaṃ ca, eva' avadhāraṇe, adarśanameva ca aprārthanaṃ ca 'acintanaṃ caiva' rūpādyaparibhāvanam 'akīrtanaṃ ca' nāmato guṇato vā strījanasya, āryadhyāna-dharmādi tadyogya-taddhetutvenocitam || nanu vikārahetau sati vikriyante yeṣāṃ na cetāṃsi ta eva dhīrāḥ, tatkimiti viviktaśayyāsanatā vidhīyate ? ityāha-"kāmaṃ tu" tti anumatamevaitad yad ‘devībhiḥ' ityādi | viviktaśayyāsanatāsamarthanārthameva strīṇāṃ duratikramatvamāha-"mokkhe"tyādi | strīsaṅgātikrameṇa guṇamāha-etāṃśca 'saṅgān' sambandhāna prakramāt strīviṣayān samatikramya sukhottarāścaiva bhavanti 'śeṣāḥ' dravyādisaṅgāḥ, yathā mahāsāgaramuttīrya nadī bhavet sukhottaraiveti prakramaḥ "avi gaṃgāsamāṇa" tti gaṅgāsamānā'pi | kiñca-kāmeṣu anugṛddhiḥ-satatā'mikālā kāmānugṛddhistatprabhavameva khuśabdasyā'vadhāraṇārthatvād duḥkhaṃ sarvasya lokasya sadevakasya yat kāyikaṃ mānasikaṃca 'kiñcid' alpamapi tasyā'ntamevā'ntakaṃ gacchati vītarāgaḥ|| nanu kāmāḥ sukharūpāḥ, tatkathaṃ tatprabhavameva duḥkham ? ucyate-'yathā ca' yathaiva kimpākaphalāni apergamyamānatvād manoramāṇyapi rasena varṇena caśabdād gandhādinā ca bhujyamānāni 'tāni'* lokapratītāni "khuddae" tti ārṣatvāt 'kṣodayanti' vināśayanti jīvitaṃ 'pacyamānāni' vipākāvasthāprāptāni | etadupamāḥ kāmaguṇā vipāke vipākadāruṇatāsāmyena tattulyā iti bhāva iti sūtraikādaśakārthaḥ || 10-11-12-13-14-1516-17-18-19-20 || itthaṃ rāgasya kevalasyoddharaṇopāyamabhidhāya samprati tasyaiva dveṣasahitasya tamāha
u0 a060