Uttarajjhayana p761

p761

pañcatriṃśaṃ anagāramārgagatināmakamadhyayanam|
anagārasya mārgaḥ|
||374||
tmakam , ubhayenā'pi parigraha uktaḥ, tataḥ parigrahaṃ ca saṃyataḥ parivarjayet || tathā manoharaṃ citrapradhānaṃ gṛhaṃ citragṛha mālyadhūpena vāsitaṃ sakapāṭaṃ pāṇḍurollocaṃ manasā'pi āstāṃ vacasā na prārthayet kiṃ punastatra tiṣṭhed iti bhāṣaḥ || kiṃ punarevamupadiśyate ? ityāha-indriyāṇi, 'tuḥ' iti yasmād bhikṣostādṛśe upāśraye 'duḥkarāṇi' karoteḥ sarvadhātvarthatvād duḥśakyāni nivārayituṃ 'kāmarāgavivarddhane' upāśrayaviśeṣaṇam || tarhi ka sthātavyam ? ityāha-smaśāne śūnyāgāre vā vṛkṣamūle vā 'ekakaḥ' rāgādiviyukto'sahāyo vā “pairikke” 'ekānte' ruyādyasaṅkale 'parakṛte' parairniṣpādite svārthamiti gamyate, 'vā' samuccaye 'vāsam' avasthānaṃ 'tatra' smaśānādau abhirocayed bhikṣuriti yogaḥ || prāsuke 'anābādhe' kasyāpi |bādhārahite strībhiranabhidrute 'tatreti prāguktaviśeṣaṇe smaśānādau 'saṅkalpayet' kuryād vāsaṃ bhikṣuḥ paramasaṃyataḥ || nanu kimiha parakṛta iti viśeṣaṇamuktam ? ityāśaṅkayāha-na svayaṃ gṛhāṇi kurvīta, naivā'nyaiḥ kārayed, upalakṣaṇatvānnā'pi kurvantamanumanyeta, kimiti ? yato gṛhakarma-iṣṭakāmṛdānayanādi tasya samārambhaḥ-pravarttanaṃ gṛhakarmasamārambhastasmin bhūtānāṃ dṛśyate vadhaḥ | katareṣām ? ityāha-trasānāṃ sthāvarāṇāṃ ca sūkṣmāṇāṃ śarīrā'pekṣayā bādarāṇāṃ ca, tathaivopasaṃhartumāha-tasmād gṛhasamārambhaṃ saṃyataḥ parivarjayet || anyacca–'tathaiva' iti prāgvad bhaktapāneṣu pacane pācaneṣu ca bhūtavadho dṛśyate iti prāguktena sambandhaḥ, tataḥ kim ? ityāha-prāṇāḥ-trasāḥ bhūtāni-pṛthivyādīni taddayārthaṃ na pacenna pācayet || amumevārtha spaṣṭataramāha-jaladhānyaniśritā jīvāḥ pṛthivīkāṣṭhaniśritāḥ hanyante 'bhaktapāneṣu' prakramāt pacyamāneṣu, yata evaṃ tasmādbhikṣurna pācayed apergamyamānatvāt pācayedapi na kiṃ punaḥ svayaṃ pacet || aparana-visarpatisvalpamapi bahu bhavatīti visarpa, 'sarvatodhāraṃ' sarvadigavasthitaṃ jantūpaghātakatvāt , uktaśca-“pāīṇaṃ paḍīṇaṃ vā vī"tyādi |
"prācīnaṃ pratīcīnaṃ vā'pi" ityādi |
||374||