Pramāṇa · Search · About · API

Uttarajjhayana p3

Uttarajjhayaṇanijjutti p3

Language
Māhārāṣṭrī Prakrit

p3

śrīuttarādhyayananiryuktiḥ- kayapavayaṇappaṇāmo vucchaṃ dhammāṇuogasaṃgahiaṃ | uttarajhayaṇāṇuogaṃ guruvaesāṇusāreṇa || 1 || pra0|| nāmaṃ ṭhavaṇā davie khitta disā tāvakhitta pannavae | paikālasaṃcayapahāṇanāṇakamagaṇaṇao bhāve || 1 || jahaṇaṃ suttaraṃ khalu ukkosaṃ vā aṇuttaraṃ hoi| sesāī uttarāī aṇuttarāī ca neyāṇi || 2 || kamauttareṇa pagayaṃ āyārasseva uvarimāiṃ tu | tamhā u uttarā khalu ajjhayaṇā haṃti ṇāyavvā || 3 || aṃgappabhavā jiṇabhāsiyā ya patteyabuddhasaṃvāyā| baṃdhe mukkhe ya kayā chattīsaṃ uttarajjhayaṇā || 4 || nāmaṃ ṭhavaṇajjhayaṇe davyajjhayaṇe ya bhāvaajjhayaṇe| emeva ya ajjhīṇe āya jjhavaṇe'viya tahe || 5 || ajjhappassāṇayaṇaṃ kammāṇaṃ avacao uvaciyāṇaṃ | aṇuvacao va ṇavāṇaṃ tamhā ajjhayaṇamicchati || 6 || ahigammaṃti va atthā aṇeṇa ahiyaṃ va ṇayaṇamicchaṃti| ahiyaṃ va sāhu gacchai tamhā ajjhayaṇamicchati ||7|| jaha dīvā dīvasayaṃ paippae so ya dīppae dīvo| dīvasamā āyariyā appaṃ ca paraṃ ca dīvaṃti || 8 || bhāve patthamiyaro nāṇāī kohamāio kamaso āutti āgamutti ya lābhutti ya huṃti egaṭṭhā || 9 || pachatthiyā apatthā tatto uppiṭṭaṇā apatthayarī| nippīlaṇā apatthā tini apatthāī putnīe || 10 || aḍavihaṃ kammarayaṃ porāṇaṃ jaṃ khavei jogehiṃ evaṃ bhāvajjhayaṇaṃ ṇeyavvaṃ āṇuputhvī || 11 || suyakhaṃdhe nikkhevaṃ ṇāmāi caudhvihaṃ paruveḍaṃ ṇāmāṇi ya ahigāre ajjhayaṇāṇaṃ pavakkhāmi || 12 || viṇayasuyaṃ 1 ca parīsaha 2 cauraṃgijaṃ3 asaṃkhayaṃ 4 ceva | akāmamaraṇaṃ5 niyaṃṭhi6 orambhaṃ 7 kāvilinaṃ8 ca || 13 || ṇamipavvajja9 dumapattayaṃ 10 ca bahusuyapulaṃ 11 taheva hariesaṃ 12 | cinasaṃbhūha 13 usuārijaṃ 14 sabhikkhu 15 samāhiṭhāṇaṃ 16 ca || 14 || pāvasamaṇijaṃ 17 taha saṃjaija 18 miyacāriyā 19 niyaṃṭhija 20 | samuhapālinaṃ 21 rahanemiyaṃ 22 kesigoyamijjaṃ 23 ca || 15 || samiio 24 jannaija 25 sāmāyārī 26 tahā khalukija 27 | mukkhagai28 appamāo29 tava30 caraṇa31 pamāyaṭhāṇaṃ 3 2 ca || 16 || kammappayaḍī33 lesā34 boḍhacce khalu ṇagāramagge35 ya| jīvājīvavibhattī 36 chattīsaṃ uttarajjhayaṇā || 17 || paḍhame viṇao bīe parīsadā duuhaṃgayā taie| ahigāro ya cautthe hoi pamāyappamāeti || 18 || maraṇavibhattī puṇa paṃcamammi vijjā caraṇaṃ ca chaṭṭhaajjhayaṇe rasagehiparicāo sattame ami alobhe || 19 || nikaṃpayā ya navame dasame aṇusāsaṇovamā bhaṇiyā | ikārasame pṛyā tavariddhī caiva bārasame || 20 || terasame a niyāṇaṃ aniyāṇaṃ caiva hoi caudasame | bhikkhuguṇā pannarase solasame baṃbhaguttīo || 21 || pāvāṇa vajraṇā khalu sattarasi bhogiḍivijahaṇa'dvāre| eguṇi apparikamme aṇāhayā ceva bīsaime || 22 || cariyā ya vicittā ikavīsi bāvīsime thiraṃ caraṇaṃ | tevīsaime dhammo cauvīsahame ya samiīo || 23 || baṃbhaguṇa panavīme māmāyārī ya hoi chabbīse | sattāvīsa asaḍhayā aṭṭhāvīse ya mukkhagaī || 24 || eguṇatīsa āvassagapamāo tavo a hoi tīsaime caraṇaṃ ca ikatīse battīsi pamāiṭhāṇāī || 25 || tettīsaime kammaṃ ca. utīsahame yahuti lesāo| bhikkhuguṇā paṇatīse jīvājīvā ya chattīse || 26 || uttarāyaṇāṇeso piṃḍattho vaṇṇio samāseṇaṃ itto ikikaṃ puṇa ajjhayaṇaṃ kittaissāmi || 27 || tattha1353 śrī uttarādhyayananiyukti