Uttarajjhayana p8.2

p8.2

249||a. 8|| nikkhevo kavilaṃmī cauvviho dubbiho ya davvaṃmi| āgamanoāgamao noāgamao so tiviho || 250 || jāṇagasarīrabhavie tavvatiritte ya so puṇo tiviho| egabhaviacadāua abhimuhao nāmagoe a || 251|| kavilāuṇāmagoyaṃ veyaṃto bhāvao bhave kavilo | tatto samuṭṭiyamaṇaṃ ajjhayaṇaṃ kāviliti || 252|| kosaṃbī kāsava jasā kavilo sāvatthi iṃdadatto ya ibbhe ya sālibhadde dhaṇasiṭṭi paseṇaī rāyā || 253 || kavilo niściyaparivesiāi āhāramittasaṃtuṭṭe| bāvārio (ya) duhi māsehiṃ so niggao rattiṃ ||254|| dakkhiṇṇe patthaṃto baddho a tao a appio raṇṇo| rāyā se dei varaṃ kiṃ demī ? keṇa te attho ? ||255|| jahā lāho tahā loho, lāhā loho paddhati| domāsakayaṃ kajjaṃ, koḍievi na niṭṭiyaṃ || 256 || koḍiṃpi demi ajeti bhaṇai rāyā pahiṭṭhamuhavaṇṇo | so'vi cahaūṇa koḍiṃ samaṇo jāo samiapāvo ||257|| chammāse chaumatyo aṭṭhārasa joyaṇāīṃ rāyagihi| valabhaddappamuhāṇaṃ ikaḍadāsāṇa paṃca sae || 258 || aisese uppaṇṇe hohī aṭṭo imotti nāūṇaṃ| adāṇagamaṇacittaṃ karei dhammayā gīyaṃ || 259 || a0 8 || niklevo u namimi caubviho du0 || 260 || jāṇaga0 [ sarīrabhavie tavvarite ya0' ] || 261 || namiāunāmagoyaṃ veyaṃto bhāvato namī hor̤a| tassa ya khalu pavvajjā namipabvajaṃti ajjhayaṇaṃ || 262 || pavvajjānikkhevo caubviho annatitthigā davye| bhāvaṃmi u pavajā āraṃbha pariggahacāo || 263 || karakaṃḍū kaliṃgesu, paṃcālesu ya dummuho| namī rāyā videhesu gaṃdhāresu ya naggaī || 264|| basabhe a iṃdakeū valae aṃbe a puṣphie bohī| karakaṃḍu dummuhassā namissa gaṃdhāraraṇṇo a|| 265||