Damayantikatha campu 7.43

7.43

evamāvirbhāvitapraśrayamujjvalitānurāgamudīritādaramāpyāyitapraṇayamabhidhāya sthitavati kiṃnare, nareśvaro damayantīprahitaprābhṛtāni svayamādareṇa
gṛhītvā, 'sundaraka, tasyāḥ saṃdeśa evāsmākaṃ karṇapūraḥ, parikaro'yaṃ maṇikaṃrṇāvataṃsaḥ | tasyāḥ sugṛhītena nāmnaiva vayaṃ mudritāḥ prapañco'yamaṅgulīmudrālaṃkāraḥ | tadanurāgeṇaiva vayamācchāditāḥ punaruktamācchādanayugalamaparaṃ ca yuvāṃ
preṣayantyā tayā kiṃ na prahitamasmākam, kimanyattvatto'pi priyaṃ prābhṛtaṃ bhaviṣyatīti | tadehi śiviramanusarāmaḥ' ityabhidhāya bahu mānayankinnaramithuna(1)maticapalakapikulāndolitataruśikharāgragalitaśilāsphālanasphuṭatphalarasasugandhinā sravatkusumamakarandadravārditapāṃsupaṭalena vartmanā nijāvāsamudacalat || ka
uñcalite ca paścimāmbhonidhisalilakṣālitapādapallave vāsārthinīvāstagirigahvaraṃ viśati viyadvīthīpānthe vivasvati, krameṇa tasyāṃ diśi (2)
dinakararathacakracaṅkramaṇacūrṇanoccalanmandaragirigairikādhūlipaṭalollola ivollāsa saṃdhyārāgaḥ || kha
tena ca saṃvalitāni vijṛmbhitumārabhanta jambhanisumbhanakakubhi vipinajaratkṛkavākukaṃdharāromarocīṃṣi tamāṃsi || ga
tataśca naṣṭacaryākrīḍayevādarśanamayāntīṣu dikkanyakāsu, vanamunihomadhūmagandhena saṃtarpyamāṇāsu vanadevatāsu, nidrāndhasindhurayūtheṣvivonnatavaprasthalīṣu pariṇamatsu śanaistimireṣu, jāte manāgbhinnāñjanapatrastavakite niśāmukhe, narapatistena kiṃnaramithunena sārdhamardhapathāyātaprajvalitadīpikāpāṇiparijanaparikaritaḥ śaraṇāgatakapotamutpatitolūkakṛtaśabdaṃ śivimiva śivirasaṃniveśamaviśat || gha
tatra ca krameṇa kṛtakaraṇīyastvaramāṇapācakavṛndopanītamatpatatpākaparimalaspṛhaṇīyamatyuṣṇameduramāṃsopadeśamājyaprājyamupabhujya puṣkarākṣakaṃnaramithunāptajanaiḥ saha madhurarasasāramāhāram , anantaramācāntaḥ śucicandanāṅgacitakaraḥ karpūrapārīparikaritatāmbūlojjvalavadanāravindaḥ 'sundaraka, kamapi
prastāraya vidyāvinodaṃ tvayāpi vihaṃgavāgurike, gīyatāṃ kimapi madhuram'
iti mṛdumaṇikūṭikāmukhāsīnaḥ kiṃnaramithunamādideśa || ṅa
darśita ca vāṃśikena (1)vaṃśamukhottīrṇagāndhārapañcamarāgasthānake sthirīkṛtamadhyamaśrutiprasannapreṅkholanāprayogamucitasthānakṛtakāṃsyatālamakaṭhoratārasvaram, ākarṣanniva hṛdayam, abhiṣiñcannivāmṛtena śravaṇendriyam, astaṃ
nayadivānyaviṣayasaṃdhānam, anuccaprapañcitapañcamaṃ vipañcīsvarasaṃdarbhitamabhūtkipi gītam || ka
yatra(2)prasarati raṇaraṇakarasaḥ kuṇṭhayati haṭhena cittamutkaṇṭhā
smarati smaro'pi dhanuṣaḥ praguṇīkṛtaniśitavāṇasya