Mandaramaranda 17.47
Mandāramaranda 17.47
- Language
- Sanskrit
17.47
keṣāṃcidatha doṣāṇāmapyadoṣatvamucyate
samāptapunarāptatvaṃ sarveṣāṃ na hi saṃmatam
aprayuktatvamadhikapadatva[ma]samarthatā
śleṣacitropayogitvādoṣatvaṃ na bhajetkvacit
nirarthakatvaṃ śabdālaṃkāre śleṣe ca na kvacit
saṃkīrṇārthāntarasyaikapadatve citrayorna hi
śleṣe kvacicca gūḍhārthaneyārthatvena doṣatām
śāstrārthe na yaterbhaṅgaścārutve nātimātratā
citre kvacinna sākāṅkṣakramabhraṣṭatvakaṣṭatāḥ
apadasthapadatvaṃ cāpyapadasthasamāsatā
dhvanau saṃdigdhaniyamacyutatvena kvacitkvacit
apuṣṭārtho na doṣāya prayojanavaśātkvacit
vibhānti puṣpastabakairlatāḥ kāntā iva stanaiḥ
hetoratiprasiddhatve nirhetoḥ syādaduṣṭatā
vadanaṃ vīkṣya tanvaṅgyāḥ saraḥpadmānyalirjahau
nīrasādau kvaciddoṣo na doṣo nāpyasau guṇaḥ
parjanyastarjayāmāsa garjitairlarjitairjanān
17.47.p1
vastutastu kavīnāṃ ceddhṛdayānandakāraṇam
na duṣṭaṃ syādanyathā cedduṣṭatāṃ bhajati dhruvam
17.47.p2
iti kāvyadoṣaprakaraṇam
Linked texts (3)
- Mandāramarandacampū — Kṛṣṇanātha 1600, Sanskrit
- Mandāramarda — Kṛṣṇamiśra, Sanskrit
- Mandāramaganda — Kṛṣṇamiśra, Sanskrit