Mandaramaranda 3.p1

3.p1

upacitrā sasau salgā oje yuji bhabhā gurū
drutamadhyā bhatrayaṃ gāboje'nyatra najau jayau
oje vegavatī sāgaḥ same tu bhabhasā gagau
oje bhadravirāṭ tjrā go noje masajā gagau
oje ketumatī sajsā go'noje bharatāḥ sagau
oje viyoginī sau jgāvanoje sabharā lagau
oje sau salagā yukte nabhrā hariṇaplutā
ayujyaparavaktraṃ nau ralgā yuji najau jarau
puṣpitāgrā nanarayā yukte tu najajā ragau
oje parāvatī rajñā jo'noje tu jarau jagāḥ
oje sajjasajagā yukte sajjasāṃ mitabhāṣiṇī
phalitāgraṃ gādhikānte viyoginyeva sāṅghriṣu
sabhataiairyasabhairgābhyāṃ yuktā viṣamapādayoḥ
sabhataiairyasasairyuktā kalikālalitā yujoḥ
ityardhasamavṛttaprakaraṇam
ādyapāde'ṣṭavarṇāḥ syuryugmādyeṣūttarottaram
adhikāśca caturvarṇā niyamo lagayorna cet
vibudhāstatpadacaturūddhrvākhyaṃ vṛttamūcire
āpīḍo'traivāntyavarṇau gāvantye lā yadāṅghriṣu
ādau gurū na cānte cetpratyāpīḍo bhavediyam
āpīḍādyadvitīyāṅghrī yadi vinimayātkṛtau
tadā tu kaliketyuktā mañjarītyapi kaiścana
āpīḍasyaivādyapādastṛtīyaścettṛtīyakaḥ
dvitīyaśceddvitīyo'pi yadādirlavalīti sā
āpīḍasyādimastūryastūrīyaścettṛtīyakaḥ
tṛtīyo'pi dvitīyo'ṅghrirdvitīyaḥ prathamo yadi
uktā sāmṛtadhāreti mañjarītyapi kaiścana