Mandaramarda 16.295
Mandāramarda 16.295
- Language
- Sanskrit
16.295
kākākṣiptaṃ tu tatra syādyatra kākā vibhāvyate
manye sā subhagā matto yāṃ tvamevānudhāvasi
vācyānnikṛṣṭaṃ vyaṅgyaṃ cedsundaramitīryate
atapaḥkleśasukṛtaṃ brahmarṣe tava darśanam
16.295.p1
caturvidhaiḥ saṃkaraiśca saṃsṛṣṭyā caikarūpayā
pañcadhā yojane teṣāṃ catvāriṃśadvidhaṃ ca tat
evaṃ nirūpite sāṅge dhvanyalaṃkāralakṣaṇe
santo mahāntaḥ kṣāmyantu yatkiṃcitskhalitaṃ yadi
jalajanijanijāyāpremapākena gopījanamanasijakelīlampaṭe'laṃpaṭena
guhapuranilayena proddhṛto vyaṅgyabinduḥ
surakusumamarande cārucampūprabandhe
śeṣabinduḥ
atrāntya(nti)me śeṣabindāvanuktānpūrvabindupu
lakṣyalakṣaṇasaṃyuktāṃstatkrameṇābhidadhmahe
ekaścandrārkavighneśaradaśukrākṣibhūdhruvāḥ
dvayaṃ dvandvaṃ yugaṃ yugmaṃ yamalaṃ yāmalaṃ yamam
yugalaṃ dvitayaṃ pakṣo nadīkūlaṃ karaḥ kucaḥ
jānupādau bāhugulphau jaṅghoṣṭhau rāghavātmajau
asidhārākarṇahorākapolanayanabhruvaḥ
nitambāyanapakṣmāṇi hanūruvaḍavāstanāḥ
trayaṃ kālāgnirudrākṣisaṃdhyābhuvanapuṣkaram
grīvā rekhā śūlaśikhā nāḍī rāmo guṇaḥ puraḥ
gāyatrīvahnicaraṇau viṣṇupatnī balistanuḥ
śaktirmūrtirbhṛṅgipādastrivikramapadārpaṇam
catvāri gostanabrahmamukhavarṇārṇavāśramāḥ
svardantidantasenāṅgaviṣṇubāhuyugāḥ śrutiḥ
puruṣārthopāyayāmapaśumañcapadāni ca
pañca pāpamahākāvyaśivāsyendriyapāṇḍavāḥ
viṣayānilavargāṅgabhūtasvardrumamakhaḥ
purāṇalakṣaṇaprāṇasāyakakleśapallavam
ṣaḍabjakoṇavedāṅgarasatarkārikārakam
prayogapraśnagāyatrījaṭharaṃ cakravartyapi
śāstraśastrāṅgakarmartubhṛṅgapādaguhānanam
sapta mātṛdvīpaśailavārarājyāṅgatāṇḍavāḥ
munisvaranadīvyādhavahnijihvāśvadhātavaḥ
aṣṭa dikpāleśamūrtisiddhisiddhāntakuñjarāḥ
vasulakṣmīgandhamadabrahmaśrotrāhimaṅgalam
gayāyogāṅganatyaṅgamahiṣīkulaparvatāḥ
nava ratnaṃ nidhirgopyakhaṇḍadhānyagrahāstathā
dhenurandhraśilābhaktivīravyāghrīstanāmbudāḥ
vindvarthakāḥ śūnyapūrṇakāntāmadhyābhrakhāni ca
daśa snānasthāṇubāhurāvaṇānanacumbanam
kṛṣṇāvatāradigghastāṅgulyavasthenduvājinaḥ
dharmapatnīdhūpapaṅktinighaṇṭusutarūpakam
ekādaśa syātkaraṇaṃ kurusenā nṛpadhvajaḥ
dvādaśārkā māsarāśisaṃkrāntiguhavāhavaḥ
śārikoṣṭakasenānīnetrabhūpatimaṇḍalāḥ
trayodaśa syurvīthyaṅgaviśvakarūpakāminī
sāmagācāryatāmbūlaguṇapratimukhāṅgakam
caturdaśa manurvidyāyamendrābhinayā mṛgaḥ
pañcadaśa tithiḥ sāmidhenī kāntākalāpi ca
ṣoḍaśendukalā gaurī nāṭyaceṣṭopakārakam
saṃskāraḥ saptadaśa tu prājāpatyapaśurmataḥ
aṣṭādaśa dhṛtiḥ pīṭhaṃ parvopadvīpabhāratam
ekonaviṃśatirdevādyamapyatha viṃśatiḥ
aṅgulīrāvaṇabhujakapolākṣikaradhruvaḥ
ekaviṃśatisaṃkhyāyāṃ mūrchanānusmṛtiḥ samit
dvāviṃśatiścopasargaścaturviṃśativācakāḥ
vākyadoṣanyāyaguṇagāyatrījinakeśavāḥ
śataṃ trāyuḥkañjadalaśakrayajñābdhiyojanāḥ
sahasraṃ jāhnavīvaktraṃ śeṣaśīrṣāmbujacchadāḥ
ravibāṇārjunakarā vedaśākhendradṛṣṭayaḥ
eteṣāmapi paryāyāstattatsaṃkhyāvibodhakāḥ
16.295.p2
iti saṃkhyāprakaraṇam
Linked texts (3)
- Mandāramarandacampū — Kṛṣṇanātha 1600, Sanskrit
- Mandāramaranda — Śrīkṛṣṇa, Sanskrit
- Mandāramaganda — Kṛṣṇamiśra, Sanskrit