Nalacampu 3.16

3.16

ēvaṁvidhē ca vyatikarē kō ’pi kāntakārtasvarasvarūpamutphullapāṇḍupuṣpamālayā mēruśikharam iva pradakṣiṇākṣīṇalagnayā nakṣatrarājyā janitaśōbhaṁ jaṭābhāramuddaddan, ativahalamalayajarasaracitavicitrapurāḍū kamaṇḍanāmamaraśailaśilām iva raṅgattristrōtasaṁ lalāṭapaṭṭikāṁ kalayana, plavamāna ivōjjr̥mbhapaṅkajakiṁjalkakapilakāya kāntikallōlēṣu, karuṇārasapūrṇavakṣaḥsthaladīrghikāyā mantastarantīṁ vālakalahaṁsapakṣipakkim iva sphārasphāṭikākṣamālikāṁ vibhrāṇaḥ, kuśakōpīnavāsāḥ, karakalitakuśakāṇḍa kamaṇḍalumaṇḍalaiḥ, tarubhir iva vividhaśākhairvighr̥tajaṭāvalkalaiśca, parvatair iva samēkhalaiḥ sarudrākṣākṣamālaiśca, nakṣatrair iva samr̥gakr̥ttikāślēpaiḥ sajyēṣṭhāṣāḍhaiśca, sasaṁmadair api namadākāramākalayadbhiḥ, akrīḍair api cakrīḍāparaiḥ, rōmaśair api vipravālakaiḥ munibhiḥ parivr̥taḥ, sēvitapurāṇapuruṣō ’py ajanārdana priyaḥ, prasannaśaṁkarō ’py anāśritabhavaḥ, prabuddhō ’py abandīkr̥tajanaḥ, śramaṇō ’py ajinaparigrahaḥ, grahagaṇa iva navadhātmakō lōkānām, dhanurdhara iva nālīkasaṁdhaḥ, haṁsa iva nadāmbhasthānakapriyaḥ, pannaga iva nākulīnaḥ, sarasvatīsaṁnivāsasya mukhamandirasya vandanamālayēva prathamōdbhēdabhāsinyā daṁṣṭrikārōmarājirēkhayā śyāmalitōttarōṣṭhapr̥ṣṭhaḥ, kalikālakalaṅkaśaṅkāśaraṇāgatai stribhiḥ purāyayugair iva susūtrībhūya dēhalagnaiḥ, tripuṣkarasnānāvasaravilagnasarasavisakāṇḍa kuṇḍalair iva bhaktyārādhitatripuruṣaracitarakṣāsūkṣmarēkhānukāribhiḥ sitayajñōpavītatantubhirbhūṣitadēhaḥ, śamī vidramābhāgharaśva, prajāpō viprajāpaśca, sutapāḥ kutapaślāghī ca, vikalatraḥ, sakalatraśca, yamāntānusārī sakuśalaś ca vikacanavanalinaśēṅkayā milanmuktamugdhamadhupamaṇḍalēnēva rudrākṣavalaṁyēna virājitavāmapāṇipallavaḥ, na smr̥taḥ smarāpasmārēṇa, nāṅgīkr̥taḥ kr̥taghnatayā, nālōkitaḥ kitavavr̥ttēna, nākalitaḥ kalinā, na niruddhō viruddha kriyābhiḥ, atitējastayā dvitīya iva parabrahmaṇaḥ, tr̥tīya iva sūryāca ndramasōḥ, caturtha iva gārhapatyāhavanīyadakṣiṇānīnām, pañcama iva dikpatīnām, ṣaṣṭha iva mahābhūtādhidēvatānām saptama iva mūrtartanām, aṣṭama iva saptarṣīṇām, navama iva vasūnām, daśama iva grahāṇām ana varatahr̥dayakamalakarṇikāntaḥsphurajyōtīrūpaparamabrahma kāntikalāpēnēva bahirnirgacchatācchamasmānulēpēna kanakagirir iva viralacandrāta pēnāpāṇḍuritadēhaḥ, dīrghasarasavisakāṇḍapāṇḍunā pracaṇḍapavanēnōrdhvamullāsitēna jaṭājūṭavandhanapaṭaprāntapalavēna śiraḥpatadgaganagalagaṅgāmbudhārāhāriṇō harasya svāmibhaktyā kr̥tānukaraṇavratacaryām iva kalayana, kōmalē mahaṁsi taruṇē vayasi vr̥ddhē tapasi pr̥thuni yaśasi guruṇi śrēyasi vartamānaḥ, sadaḥ sadācārāṇām, āśrayaḥ śrutīnām, mahī mahimnaḥ, prapā kr̥pārasasya, kṣētraṁ kṣamāṅkurāṇām, pātraṁ maitrīsudhāyāḥ, prāsādaḥ prasādasya, sindhuḥ sādhutāyāḥ, taruṇārkamaṇḍalamadhyānmuniravātarat.