Nalacampu 3.2

3.2

kila sakalasurāsuraśiraḥ śēkharīkr̥tacaraṇakamalaḥ, kamalādhivāsēna brahmaṇā nārāyaṇēna ca racitarucirastutiḥ, kr̥śānurūpēṇa lalāṭalōcanēna candramasā ca bhāsamānaḥ, vikacaṁ karṇē kuvalayaṁ karē kapālaṁ ca kalayan, ahiṁsāṭōpaṁ manasā śirasā ca vibhrāṇaḥ, prōjjvalannayanāciścitābhasma ca samudrahana, adhikaṅkālēna skandhēna kaṁdharārdhēna ca virājamānaḥ, sālasadr̥śaṁ bhujavanaṁ bhavānīṁ ca dadhānaḥ, sarvadānavavāraṁ triśulaṁ mandākinīṁ ca dhārayan, dēvōdarpitadanujēndranidrāharō haraścandramaṇḍalādavatīrya ‘putri priyaṁgumañjari, mañjarīmimāṁ gr̥hāṇa.mā bhaiṣīḥ.pratyuṣasi manniyōgāddamanakanāmā mahāmunirēṣyati sa tē ’nugrahaṁ kariṣyati’ ity abhidhāya svaśravaṇaśikharāntarāda manda makaranda -syandasundarāmōdamādyanmadhukararavaramaṇīyāṁ pārijātamañjarīmadāta.