Treasury of Narratives (Caturviṃśatiprabandha) 11.17

11.17

etatkāvyaśravaṇād dvayorduḥśīlaṃ nirṇīya mandapadaṃ niryayau | sthānaṃ gato vasudhādhipatiḥ | kruddhena
tena tatkālamāhūto dikpaṭaḥ | āgataḥ | bhāṣito yathā-paṇḍita ! kimidaṃ navīnaṃ padyam-'subhru ! tvaṃ
kupitetyapāstamaśanam' ityādi ? | digvasanena vimṛṣṭam-rājā herito'ham | aparādhī labdhaḥ
tathāpyuttaraṃ dadāmi | yathātatheti cintayitvā'vanipatimabhyadhāt-deva ! dinadvayātprabhṛti dṛg me
pīḍārttā varttate | tadupaślokenānunayaparaṃ' padyamidamapāṭhiṣam | iti prastāvanāṃ kṛtvā niścobhastayaiva
bhaṅgyā sadyo vyācacakṣe | tayā sūktyā' tuṣṭo'ntaḥ kṣitiṣaḥ, ˚akṛtyakaraṇadarśanāttu ruṣṭaḥ | tataḥ
sabhrūbhaṅgaṃ bhṛtyānūce-badhnīta re ! amuṃ kukarmakāriṇam, ghātayata ca | baddhastaiḥ | tadākarṇya rājaputrī
dvātriṃśatā sakhībhiḥ śastrikāpāṇibhiḥ samaṃ 'śastrikāpāṇirāgāt | rājadṛṣṭimetya svayamakathayat-yadyamuṃ me manorucyaṃ muñcase tadā cāru | atha na muñcase tadā catustriṃśaddhatyāstava' bhavitāraḥ
ekā' digambarahatyā' trayastriṃśadyuvatihatyā iti | tato rājā' mantribhirvijñaptaḥ-deva ! tvayaiveyamasyāsannīkṛtā | yūnāṃ strīsannidhānaṃ ca manmathadrumadohadaḥ | kasya doṣo dīyate ?
191. citrasthā api cetāṃsi haranti hariṇīdṛśaḥ | kiṃ punastāḥ smarasmeravibhramabhramitekṣaṇāḥ