Treasury of Narratives (Caturviṃśatiprabandha) 15.3
Prabandhakośa 15.3
- Language
- Sanskrit
15.3
tṛtīyayoktam-ekadā vikramārko nijapūrvāstavyakhalvāṭakumbhakārayukto deśāntaraṃ gataḥ | paraveśavidyāvedī yogī militaḥ | sa āvarjitaḥ tuṣṭaśca vidyāṃ dātumārabhe | rājñoktam-prathamaṃ mama
mitrasya dadataṃ6 | tenoktam-na yogyo'sau | nirbandhāttasyāpi dattā [†guṇarañjitena yoginā nṛpasya
paścād balātkārta |] avantīṃ gato rājā rājyaṃ karoti | ekadā padmāśvo mṛtaḥ | vidyāparīkṣārthaṃ
rājñā svajīvastatra kṣiptaḥ | kumbhakāreṇa svajīvo nṛpadehe | kumbhakāro rājyaṃ karoti | tenāśvo
māraṇāya cintitaḥ | nṛpajīvastu pūrvamṛtaśukadehe praviṣṭaḥ | śuko'pi somadattaśreṣṭhibhāryāproṣitabhartṛkākāmasenāgṛhaṃ gataḥ | sā taccāturyyeṇa hṛṣṭā rājñī samīpaṃ na gacchati | śreṣṭhī samāgataḥ
sā rājñī samīpaṃ gatā | anāgamanakāraṇaṃ pṛṣṭā | śukacāturyyakāraṇaṃ proktam | tayā ānāyitaḥ
śukaḥ7 | sā rañjitā tena, yathā rājñā pūrvam | ekadā śukena rājñīsnehaparīkṣārthaṃ gṛhagodhikādehe
gatam | rājñyā tadviyogena kāṣṭhabhakṣaṇaṃ kartumārabdham | nṛpajīvena śuko jīvāpitaḥ | sā rājñī
vyāvṛttā | śukena sarvo'pi vṛttānto rājñyai kathitaḥ | rājñyā kumbhakārasyāvarjanā kṛtā | tena
kumbhakārajīvena tuṣṭena vidyāpradarśanāya mṛtabotkaṭadehe svajīvaḥ kṣiptaḥ | nṛpo nijadehaṃ gataḥ
ajo bhayātkampate | rājñā uktaḥ-na bhetavyam | nāhaṃ tvatsamo bhāvī | sakṛpo'smi | tvaṃ sukhaṃ
jīva | cara | piba | tataḥ kathaṃ tena samo bhaviṣyati