Treasury of Narratives (Caturviṃśatiprabandha) 7.3

7.3

dīkṣā dattā | 'bappabhaṭṭiḥ' iti nāma viśvavallabhaṃ jughuṣe | saṅghaprārthanayā tatra caturmāsakaṃ kṛtam
§36) anyadā bahirbhūmiṃ gatasya bappabhaṭṭermahatīṃ vṛṣṭimatāniṣṭha ghanaḥ | kvāpi devakule sthitaḥ saḥ
tatra devakule mahābudhaḥ ko'pi pumān samāgataḥ | tatra devakule praśastikāvyāni rasāḍhyāni gambhīrārthāni tena bappabhaṭṭipārśvād‌vyākhyāpitāni | tataḥ sa bappabhaṭṭinā samaṃ vasatimāyātaḥ | gurubhirāśīrbhīrabhinanditaḥ | āmnāyaṃ sa pṛṣṭaḥ | tato'sau jagāda-bhagavan ! kanyakubjadeśe gopālagiridurgaṃnagare yaśovarmanṛpateḥ suryaṃśādevīkukṣijanmā nandano'ham| yauvane 'ca nirargalaṃ dhanaṃ līlayā
vyayan pitrā kupitena śikṣitaḥ-vatsa ! dhanārjakasya kṛcchramasthānavyayī putro na vetti tātasya
mitavyayo bhava | tato'haṃ kopādihāgamam | guruvo'pyapṛcchuḥ-kiṃ te nāma ? | tenāpi khaṭikayā bhuvi
likhitvā darśitam-'āma' iti | mahājanācāraparaṃparedṛśī 'svanāma nāmādadate na sādhavaḥ |'
tasyaunnatyena guravo hṛṣṭāḥ | cintitaṃ ca taiḥ-pūrvaṃ śrīrāmasainye dṛṣṭo'sau ṣāṇmāsikaḥ śiśuḥ
63. pīluvṛkṣamahājālyāṃ vastrāndolakaimāśritaḥ | acala [yā] chāyayā ca puṇyapuruṣo nirṇītaḥ