Prabandhakosha 7.78

Prabandhakośa 7.78

Language: Sanskrit

7.78

iti bruvāṇā āsīnā adīnāḥ kālamakārṣuḥ | śrībappabhaṭṭisūrīṇāṃ śrīvikramādityādaṣṭaśatavarṣeṣu gateṣu bhādrapade śuklatṛtīyāyāṃ ravidine hastarkṣe janma, pañcanavatyadhikeṣu teṣu gateṣu svargārohaṇam | tadaiva moḍhere nannasūriṇāmagre bhāratyoktam-bhavadgurava īśānadevalokaṃ gatāḥ | tatra bāḍhaṃ
śokaḥ prasasāra
138. śāstrajñāḥ suvacasvino bahujanasādhāratāmāgatāḥ
sadvṛttāḥ svaparopakāraniratā dākṣiṇyaratnākarāḥ
sarvasyābhimatā guṇaiḥ parivṛtā bhūmaṇḍanāḥ sajjanā
dhātaḥ ! kiṃ na kṛtāstvayā gatadhiyā kalpāntadīrghāyuṣaḥ

Previous: 7.77
Next: 7.79
Up: 7

Linked texts (2)

Caturviṃśatikā (Bappabhaṭṭi) — Bappabhaṭṭi, Sanskrit
Bappabhaṭṭicaritra — Rājaśēkharasūri, Sanskrit