Pramāṇa · Search · About · API

Prabandhakosha 7.9-2

Prabandhakośa 7.9-2

Language
Sanskrit

7.9-2

iti | dundukena sūribhiḥ saha prahitā ye sainikāste nivṛtya dundukapārśvaṃ gatāḥ | so'pi paścāttāpānalena dandahyate sma | bhojenāpi samātulena sūriśiṣyāṇāmanyeṣāmapi lokānāṃ mukhādavagataṃ
yathā-sūraya evaṃ magnuḥ | tava pārśve nājagmuḥ | mā syānmamassaḍuparodhasaṅkaṭe patitaḥ pituḥ pārśve gataḥ
san mṛta iti kṛpāṃ dadhuḥ | tadetadākarṇya bhojastathā pīḍito yathā vajrapātenāpi na pīḍyate
piturantikaṃ nāgādasau
§53) ekadā mālikaḥ ko'pi pūrvamāmarājabhṛtyo videśaṃ bhramitvā bhojāntikamāgataḥ
pāṭalīpure | tenoktam-deva ! tvaṃ matsvāmikulapradīpaḥ | mayā videśe sadgurormukhādvidyaikā labdhā
mātuliṅgī nāma, yayā'bhimantritena mātuliṅgena hatāḥ kari-hariprāyā api balino mriyante,
mānavānāṃ tu kā kathā | deva ! gṛhāṇa tām | bhojena sā tasmādāttā | pramāṇitā; satyā
māliko dānamānābhyāṃ bhojena rañjitaḥ | mātulāḥ sarve bhojena vidyāśaktiṃ prakāśya toṣitāḥ
ta ūcuḥ-yadi iyaṃ te śaktistadā prābhṛtamiṣeṇa mātuliṅgāni gṛhītvā'smābhiḥ saha pituḥ
samīpaṃ vraja | pitaraṃ nipātya rājyaṃ gṛhāṇa | tad ruruce bhojāya | calito bahumātuliṅgaśālī
san | gataḥ piturdvāram, kathāpitaṃ ca-tāta ! tvaṃ pūjyo'haṃ śiśuḥ | tvatto maraṇaṃ vā rājyaṃ vā sarvaṃ
ramyaṃ me | rājā santuṣṭaḥ | aho vinītaḥ sutaḥ, āyātu-iti vimṛśya āhūto bhojaḥ | śodhito
madhyamāgataḥ | ekāsanasthau kaṇṭakā-rājanyau pṛthakpṛthag mātuliṅgena jaghāna | samyagvidyā hi
nānyathā | upaviṣṭo dundukarājye bhojaḥ | tanmātulā atulaṃ toṣaṃ dadhuḥ | mātā padmā prasasāda
dundukena dhanaharaṇena grāsoddālanādinā dūnacarā rājanyakāḥ punarjātamātmānaṃ menire | mahājano
jijīva | varṇāḥ sarve unmeduḥ | saṃsārasaro'mbhojaṃ bhojaṃ kamalā bheje | dorbalātparicchadabalācca
jagañjigāya
§54) atha kṛtajñatayā moḍherapure nannasūraye vijñaptiṃ dattvā uttamanarān praiṣīt | te gatāstatra
vijñaptirdarśitā taistatra | vāciṃtā nannasūri-govindācāryairyathā-svasti śrīmodhere paramaguruśrīnannasūri-śrīgovindasūripādān sagacchān gopagiridurgāt śrībhojaḥ paramajaino vijñapayati, yathā-iha
tāvatprajñāgaṅgāhimādrayaḥ 'sarvasamādhārīnārīsaubhāgyavarddhanamakaradhvajāḥ kṣitipattisadaḥkumudinīśvetadīdhitayo bhāratīdharmaputrāḥ śrībappabhaṭṭisūrayastridivalo kalocanalehyalalitapuṇyalāvaṇyatāmādadhire | tatsthāne samprati dīrghāyuṣo yūyaṃ stha | dṛṣṭavijñaptipramāṇetra pādo'vadhāryaḥ | tad dṛṣṭvā
bhaktirahasyaṃ sūrayaḥ sasaṃghāḥ sutarāṃ jahṛṣuḥ | saṃghānumatyā govindācārya moḍherake muktvā śrīnannasū5rayo gopagiriṃ samasaran | bhojaḥ pādacāreṇa sasainyaḥ sammukhamāyāta | guroḥ pādodakaṃ papau
ullasattṛṣṇo giraṃ śuśrāva | sthānasthānamilitajanahṛdayasaṃghaṭṭacūritahāramauktikadhavalitarājapathaṃ
puraṃ nināya | siṃhāsane niveśayāmāsa tān | maṅgalaṃ cakāra | tadā''jñāmayo babhūva | taduktānāntamavadarśa | tadbhaktān viṣavaddīkṣāṃcakre | tadupadeśājjinamaṇḍitāṃ medinīṃ vidadhau | dunduukasya
tādṛg maraṇaṃ smṛtvā kupatheṣu na reme | mathurā-śatruñjayādiṣu yātrāmcakāra | ekādaśa vratānyuccāra
10 pūrvarājārviyaśāṃsi uddhāra | ciraṃ rājyaṃ bheje | ityevaṃ gopagirau bhojo dharmaṃ lālayāmāsa uddidyāya ca | anyairapi puṇyapuruṣairevaṃ bhāvyam
iti śrībappabhaṭṭicaritram

Linked texts (2)