Rajavalipataka (Caturthi Rajatarangini) 810

810

[merjāādūlanāmā pātiśāhisevako yuddhārthaṃ jagāma | tasminnavasare
kāśmīrālaṃśirakhānakalokairyākūbalokasya yuddhaṃ babhūva | tayoryuddhe
saṃnikṛṣṭe ādūlakhānopi jagāma | ādūlakhānamāyātaṃ dṛṣṭvā yākūbaloko vadati sma | iha mugalā āgatāḥ | te cālaṃśirakhānasainikaṃ
tyaktvā ādūlakhānaṃ jagṛhuḥ | tena saha yuddhamabhūt | alaṃśirakhānalokopi ādūlakhānasahāyatāṃ cakāra | yākūbena saha yuddhaṃ cakāra
ādūlakhānopyalaṃśirakhānasya saṃtuṣṭo babhūva | pātiśāhikāryaṃ tvayā
kṛtamiti vacanamuvāca | śrīraṅgopi rāyasiṃhabaddhasaṃbandho babhūva tasya
nikaṭe catvāriṃśadrājaputrā āsanparve patite | śrīraṅgo rājaputrānavadat | bho rājaputrā yūyaṃ calata | ahaṃ paṅgurasmi calituṃ samartho
nāsmi | te cāvadan maivaṃ rājaputrajātau calanaṃ na vartate pātiśāho
rājaputreṣu saṃmānaṃ karoti | ata eva asmābhirlaṅkā rakṣaṇīyeti
te rājaputrā na celuḥ ]
itthaṃ vidhāya samaraṃ nihate ca loke
kāsīmakhānayavanasya babhūva bhītiḥ
bhagnānavekṣya yavanānparibhūyamānāḥ
kāśmīralokanikarāḥ sahasā vavalguḥ