Meghadautya 16
Meghadautya 16
- Language
- Sanskrit
16.2
1
ākāraṃ me saghana-gagane bhūstare me nitambaṃ
madhyaṃ tanvo valitakavare kokile rakta-kaṇṭham
haṃse grīvāṃ gatimapi gire śṛṅga-śṛṅge stanaṃ me
ācāraṃ me mṛdi mama patiḥ paśyatīṣat vyathātu || 42
16.43
kulakam
sphītīkurvan śrutisukhakaraṃ kūjitaṃ sārasānāṃ
haṃsānāṃ vā madakalakhaṃ mānasotkāntarāṇām
kāruṇyādroṃ jhara-jhara-khai nirjharo vā khavāvī
kāntantaṃ me bhajati viphalaṃ śāntanāyogyaśabdaḥ
16.44
ramyā śyāmā vihagacaturā tāḍyamāneva tantrī
saṅgītaṃ vā raṭati viphalaṃ vanyavṛkṣāt kadācit
dattvādṛṣṭyā sapadi ghanavā cārunṛtyopahāraṃ
vīṇātulyā nadati viphalaṃ śailapṛṣṭhe kapotī
16.45
tanvī śyāmā svapati-racitā pakvabimbādharoṣṭhī
sā me ramyā pratikṛtiraho stokanamrā-stanābhyām
sambhāraṃ vā praṇayaghaṭitaṃ taptatṛdhṛtkaṭāhe
manye datte virahadahanaṃ jāta-duḥkha-prakampyam
16.46
evaṃ daive pratikulagate dainyamidaṃ bhaveddhi
sarvvaṃ svīyaṃ bhavati bhuvane vairiṇāmagragaṇyam
svīyaṃ kāyaṃ nijakaranakhāḥ pāpya vā ghnanti sadyaḥ
svīyāṣṭhaṃ vā sarasarasanāṃ hanta vā ghnanti dantāḥ
16.47
kurvvopāttāṃ vanajakusuma-dyotibhiḥ puṣpavṛkṣaiḥ
pūrṇeprāntaṃ stimitacaṭugau-tānajātāmrakuñjaiḥ
śyāmāvallī-jar̤itaviṭapi śyāmalopatyakāṅgaḥ
yasyastāvat harati nayanaṃ rāmagiryyāśramaḥ saḥ
16.48
ramyātasmin dadhiphala-vaṭa-plakṣamālūravīthī
bhuṃkte lakṣmī girivara-gṛhe megha divyābhikhyām
bhuṃktenāsmin mama pativaraḥ kiñcidānandaleśaṃ
kārāgāraṃ nahi sukhakaraṃ ratnaramyaṃ kadāpi