Meghadautya 26

Language: Sanskrit

26.1

aiśvaryyeśo jaladharapate dīpakalpaḥ kuberaḥ
satyaṃ nimne prasarati sadā andhakārastu tasya
ūrddhaṃ dhūmo śirasi malino barttate glānikārī
jvālāṃ tasya prasamitu malaṃ tvaṃhi nānyo vareṇya ||105

26.2

ānakṣatra-prasarita-nabhorājyarājādhirājaḥ
nānyohitvaṃ surapatisakha tvaṃ pratidvandihīnaḥ
vaṃśe jāto bhuvanavidite puṣkarāvarttakānāṃ
duṣṭadrohī tvamasi bhuvane divyavidyutkalatraḥ ||105

26.3

sūryyajvālāṃ samayasi ciraṃ khecchayā te'titīvrāṃ
kā cintā te samayitu matho rājarājasya tāntat
aiśvaryyāndhā vilsanaratā nāhavāyopayuktāḥ
ye mūḍhāste timirasadṛśā vidyudunmeṣadasyāḥ ||105

viśeṣakam
yogyo dūta stvamasi bhuvane kliṣṭanirvāsitānāṃ
durdarpānāṃ tvamasi bhuvane śāstidātā praśastaḥ
dhasmāt sadyo vraja dhanapate rālayaṃ nāti dūraṃ
yāce bhikṣāṃ jalada kuru matkliṣṭakāntopakāram ||106

26.2-2

nīraṃ śaśvat samayati bhṛśaṃ pāvakaṃ vairabhāvaṃ
smānmadhyasthaṃ yadi vanayutaṃ yogyapātrantayostat
nasyāt saukhyāt jalada sukhadaṃ sundaraṃ randhanaṃ kiṃ
madhyasthatvaṃ kuru dhanapatau khāvayo rdītyakṛtyeḥ ||106

26.3-2

jānāmīṣat na tava bhajanaṃ pūjanaṃ naiva samyak
prājñā nāsmi svajana-śaraṇā yāvana-kliṣṭa bālā
pādānte te jalaja patituṃ paśya jānāmi sātraṃ
dautyaṃ me tat kuru dhanapatau svīyakāruṇya-sādhyam ||106

26.4

niḥsandehaṃ jamijanamanojñāta-kāruṇyasārāt
maunāttāvat jaladharapate sammatiste susiddhā
datse maunaṃ khamatha salilaṃ yācitaścātakebhyaḥ
maunaṃ loke bhavati niyataṃ sammaterlakṣaṇaṃ hi ||106

26.5

tat yāhi tvaṃ praviśa bhavanaṃ rājarājasya tāvat
prītyāliṅgayā nalakāṇibhaṃ rājarājaṃ kathañcit
dhīraṃ dhīraṃ vada pati-kathā miṅgitairvā ravairvā
sadyo dautyaṃ kuru saphaladaṃ yaiśca taiśca prakāraiḥ ||106