Meghadautya 4

Language: Sanskrit

4.2

kāvyaśreṣṭhaṃ kva ca maṇinibhaṃ durlabhaṃ meghadūtaṃ
dīnaḥ kṣīṇaḥ kva sukaviyaśaḥ prārthako'hañca loke
kāvyadvāri'pi tu kavivarodghāṭite vākkavāṭe
vajrotkīrṇe sukaṭhinamaṇau sūtravat sannayāmi

4.3

śukrācāryyāt mṛtajanagaṇa-prāṇasañjīvanīva
labdhā vidyā janahitakarī sā vicitrā kacena
labhyā vidyā nahi kimaparai rvvarṇitā kālidāsāt
tsatsaṅkalpai rmmanana-nirataiḥ saṃskṛtojjīvanāya

4.4

dīptaṃ samyak mama hi hṛdayaṃ meghavidyunmayūkhaiḥ
satkāvyotkaṃ mama calamanaḥ paṇḍitotsāhadānāt
magno'hantat hṛdayamanasā meghadūtasya dautye
kṣantavyo'haṃ munisamajanaiḥ kovidaiḥ kṣāntiśīlaiḥ

4.5

kālo'sīmaḥ kṣitiratiśayā vistarāḥ saṃskṛtajñāḥ
kāvyāmodāḥ kavigaṇaguṇa-grāhiṇo no na cālpāḥ
āśāsmākaṃ bhavati vipulā svīya doṣakṣamāye
kūrpotkṣiptaṃ guṇagaṇaguṇa-grāhi-śaktyāsti pātram

4.6

ma mau mā ma ma mā mau ma
mau ma mā mā mā mā ma mau
mā mā mā ma ma mā mā mā
ma mā ma ma ma ma mā ma