Meghadautya 8

Language: Sanskrit

8.1

nāhaṃ yāce kimapi bhuvane kevalaṃ tatpadāsyaṃ
yāce draṣṭuṃ jalada niyataṃ kevalaṃ tat tadāsyam
nāhaṃ yāce dhanapadamadaṃ nāsti kāryaṃ tato me
yāce draṣṭuṃ tadahaha mukhaṃ kevalaṃ prītipūrṇam || 11

8.2

dadyādarthaṃ kanakamihacet hīrakādyañca ratnaṃ
āryyasthānaṃ tridaśanṛṣitaṃ mebhavān bhārataṃ vā
nāhaṃ yāce ghana tadakhilaṃ nāsti kāryyaṃ tatome
yāce draṣṭuṃ tadahaha mukhaṃ kevalaṃ prītipūrṇam ||11

dadyāccandraṃ kanakakaraṭaṃ candrakāntaṃ mahārghaṃ
nakṣatraṃ vā priyamaṇinnibhaṃ me bhavānāśu dadyāt
nāhaṃ yāce ghanatadakhilaṃ nāsti kāryyaṃ tatome
yāce draṣṭuṃ tadahaha mukhaṃ kevalaṃ protipūrṇa m ||11

8.4

dadyānmānaṃ tribhuvanadhanaṃ jñānaratnākaratvaṃ
hastyaśvaṃ vā surapatijayaṃ me bhavān kiṅkarādyam
nāhaṃ yāce ghana tadakhilaṃ nāsti kāryyaṃ tatome
yāce draṣṭuṃ tadahaha mukhaṃ kevalaṃ protipūrṇa m ||11

8.5

sāmrājyaṃ vā vipulavibhavaṃ rājarājasya dadyāt
svargaṃvātaṃ sukṛtiphalajaṃ me bhavān medinīṃ vā
dadyānmahyaṃ nahitadakhilaṃ megha yāce na yāce
yāce draṣṭuṃ tadahaha mukhaṃ kevalaṃ prītipūrṇam ||11

8.6

matsarvvasvaṃ sa patiriha me svarṇaraupyañca ratnaṃ
sāmrājyaṃ me sa hi pativaro rājarājasya ramyam
sākṣātsvargo jagati sahi me bhārataṃ me dharitrī
yāce draṣṭuṃ niyatamiha taṃ kiñcidanya na yāce ||11

8.12

ṣaḍbhiḥ kulakam
ramyaścandro yadi ghana sa vā cāsmi tāvaccakorī
sāndro megho yadi ghana sa vā cātakī cāsmi tāvat
devaḥ sūryyo yadi ghana savā padminī cāsmi dīnā
nasyāṃ sācet kathamaha mano dhāvatītthaṃ tadartham

8.131

taddhyānasthā tadanusaraṇā tadgata prāṇasārā
paśyāmīva praṇayamathitaṃ taṃ patiṃ divya dṛṣṭyā
hṛtprekṣitsyāt praṇayihṛdayaṃ dūra saṃsthasya sāci
syāllokānāṃ ihahi kimaho śaktibījañca guhyam

8.14

pratyakṣaṃ taṃ hṛdayaramanaṃ megha dedīpyamānaṃ
gāḍhodvegaṃ dharaṇiśayanaṃ sāśrunetraṃ vinidram
paśyāmīva praṇaya-mathitaṃ matpatiṃ matprapūjyaṃ
hantāhomi viraha-dahanāt nūnametaddasā hā ||12|2||yugmakam
ālekhyaṃ vā likhati ghana sa prastare prastare me
nāhaṃ dagdhā viraha-dahane yāsmi pāṣāṇacittā
patre patre likhati sa ca mannāma vā pādapānāṃ
patrantad vā dharati hṛdaye tāpanāśāya tasya

8.15

ārdrīkurvan nayana-malilaiḥ pāṭalānāṃ dalāni
stokaṃ mitran kuravaka-javā-yūthikā-jālakāni
grathnanū mālāṃ vanajakusumai ścābhirāmaiḥ sa kāntaḥ
dīrghekhāsaiḥ smarati kavarīṃ me 'dhunā veṇibaddām