Meghaduta 2.3

2.3

yasyāmiti || yasyāmalakāyāṃ yakṣā devayoniviśeṣā uttamastrīsahāyā lalitāṅganāsahacarāḥ santaḥ sitamaṇimayāni sphaṭikamaṇimayāni candrakāntamayāni vā | ata eva jyotiṣāṃ tārakāṇāṃ chāyāḥ pratibimbānyeva kusumāni tai racitāni pariṣkṛtāni || jyoti-
stārābhibhājyālādvakputrārthārdhivarātmasu” iti vaijayantī || etena pānabhūmeramlānaśobhatvamuktam | harmyasthalānyetya prāpya | tvadgambhīradhvaniriva dhvaniryaiṣāṃ teṣu puṣkareṣu vādyabhāṇḍamukheṣu || “puṣkaraṃ karihastāgre vādyabhāṇḍamukhe jale” ityamaraḥ || śanakairmandamāhateṣu satsu || etacca nṛtyagītayorapyupalakṣaṇam || kalpavṛkṣaprasūtaṃ kalpavṛkṣasya kāṅkṣitārthapradatvānmadhvapi tatra prasūtam | ratiḥ phalaṃ yasya tadratiphalākhyaṃ madhu madyamāsevante | āhatya pibantītyarthaḥ || “tālakṣīrasitāmṛtāmalaguḍonmattāsthikālāhvayādārvindradrumamoraṭaikṣukadalīgugluprasūnairyutam | itthaṃ cenmadhupuṣpabhaṅgyupacitaṃ puṣpadrumūlāvṛtaṃ kvāthena smaradīpanaṃ ratiphalākhyaṃ svādu śītaṃ madhu ||” iti madirāSingle quote? rṇave ||