Meghaduta 10
sPrin gyi pho nya (Tibetan translation) 10
- Language
- Classical Tibetan
10
དེ་ཡི་ཆུ་འཐུངས་བསམས་ནས་ལུས་ཕྱེད་སྔ་མ་མཁར་ལས་འཕྱང་བ་ནི། །ལྷ་ཡི་གླང་པོ་བཞིན་ཏེ་ཆུ་དེའི་ཞིང་ནི་དྲི་མེད་དཀར་བའི་ཤེལ་བཞིན་སྣང་བ་ཉིད། །ཆུ་བོ་དེ་ལ་ཁྱོད་ཀྱི་གླག་མ་བསམ་པས་འཕྲལ་ལ་ཡང་དག་འབྱུང་འགྱུར་མཛེས་པ་ནི། །ཡ་མུ་ན་ཡི་ཆུ་དང་གངྒཱ་འགྲོགས་བའི་མཛེས་པ་ལས་འོངས་གྱུར་ལ་གནས་མ་ཡིན། །རྡོ་ལེབ་སྟེང་དུ་རི་དགས་གནས་པས་རི་དགས་ལྟེ་བའི་དྲི་བཟང་འཛིན་པའི་རྡོ་ལྡན་ཞིང་། །གངྒཱ་ཉིད་ཀྱི་ཡབ་གྱུར་ཁ་བར་དཀར་བའི་གཡོ་མེད་གངས་ལྡན་དེ་ཉིད་ཐོབ་བྱས་ནས། །ལམ་གྱིས་དལ་བ་རྣམ་པར་འདུལ་བའི་ཆེད་དུ་དེ་ཡི་རྩེ་ལ་སླེབས་ནས་འདུག་པ་ཡི། །མཛེས་པ་མིག་གསུམ་པ་ཡི་བཞོན་པ་དཀར་བའི་ཁྱུ་མཆོག་རྭ་ཡིས་འདམ་ནི་བླངས་པ་བཞིན། །དེ་ལ་གལ་ཏེ་རླུང་གིས་རབ་བསྐྱོད་ཐང་ཤིང་ལག་པ་ཀུན་དུ་འཐབས་པ་ལས་བྱུང་བའི། །མེ་ཡི་དུག་དང་མེ་སྟག་དག་གིས་འབྲོང་གི་དགའ་མའི་སྤུ་ཚོགས་མང་པོ་སྲེག་བྱེད་ན། །ཁྱོད་ཀྱིས་དེ་རྣམས་ཞི་བའི་ཆེད་དུ་ཆུ་འཛིན་སྟོང་ཕྲག་མང་པོ་ཆར་ནི་བྱ་བར་འོས། །གང་ཕྱིར་ཆེན་པོ་རྣམས་ཀྱི་ཕུན་ཚོགས་འབྲས་བུ་མང་པོའི་སྡུག་བསྔལ་ཞི་བར་བྱེད་པ་ཉིད། །དེར་ནི་ཁྱོད་ཀྱིས་སྒྲ་ཆེན་བསྒྲགས་ལ་མ་བཟོད་ཆེ་བའི་དྲེགས་པ་ཀུན་དུ་ལྡན་པའི་རྐང་བརྒྱད་པ། །ཁྱོད་ཀྱི་སྟེང་དུ་མཆོང་བར་བྱའོ་སྙམ་ནས་མ་མཆོངས་རང་གི་ཡན་ལག་ཀུན་དུ་རྨས། །དེ་རྣམས་དག་ལ་རབ་ཏུ་བཞད་ལྡན་ཐོག་སེར་ཆར་པ་དྲག་ཕབ་མང་པོས་གཞོམ་པར་མཛོད། །རང་བཞིན་ངན་པའི་གནས་པ་དག་གི་འབྲས་མེད་རྩོམ་པའི་འབད་པ་རྣམས་ནི་ཅི་ཡང་མེད། །དེར་ནི་ཆེ་ཞིང་གསལ་བའི་རྡོལ་གཙུག་ན་ཟླ་ཕྱེད་འཛིན་པའི་རྐང་བཀོད་རྗེས་ལ་ནི། །རྟག་ཏུ་གྲུབ་པ་རྣམས་ཀྱིས་གཏོར་མ་མཆོད་ཀྱིས་གུས་པས་ཕྱག་དང་བསྐོར་བ་མཛོད། །གང་ཞིག་མཐོང་ན་བྱེད་པས་བྱས་པའི་སྡིག་པ་རྣམས་ནི་ཤིན་ཏུ་རིང་པོར་འདོར་བྱེད་ཅིང་། །གུས་པ་འཛིན་པ་རྣམས་ནི་དེ་ཡི་འཁོར་དུ་གནས་པ་ཐོབ་བྱེད་བརྟན་པ་ཐོབ་པར་འགྱུར། །དྲི་ཞིམ་རྣམས་ཀྱིས་ཁེངས་པར་གྱུར་པའི་ཁང་པ་ནང་ནས་སྙན་པའི་ཡིད་འོང་སྒྲ་འབྱུང་ཞིང་། །མིའམ་ཅི་མོ་རྣམས་ཀྱིས་གྲོང་ཁྱེར་གསུམ་རྒྱལ་འགྱུར་ལས་ཡང་དག་དགའ་བས་གླུ་དབྱངས་སྒྲོགས། །རྡ་ཟླུམ་སྙན་པའི་སྒྲ་བཞིན་གལ་ཏེ་ཁྱོད་ཀྱིས་རྡོ་ཡི་གཙུག་ལག་ཁང་དེར་སྒྲ་སྙན་ནི།།བསྒྲགས་པར་གྱུར་ན་ངེས་པར་ཕྱུགས་བདག་དྲུང་དུ་གསུམ་འདུས་དབྱངས་སྙན་དོན་གྱི་ཚོགས་པ་འབྱུང་། །གངས་ཀྱི་རིལ་ཉེ་བའི་ཐང་ལ་
O thou, whose march nothing can oppose, surely thou wilt see the faithful wife, thy sister-in-law, diligently counting the days, not yet dead. Though usually hope, as a tie, supports the affectionate hearts of women, which during separation, readily droop like a flower.
Translations (2)
- The Megha Dūta, or Cloud Messenger — Henry Aimé Ouvry 1868, English
- English (machine translation) — English, machine translation
Other recensions (1)
- Critical edition (S. K. De) — Sanskrit