Gitagaurisham 16
Gītagaurīśam 16
- Language
- Sanskrit
Contents
- 16.12 — 1 part
16.1
1atha aṣṭādaśaprabandho vasantarāgeṇā''ḍavatāle gīyate—
tadāha prabandhena—
viracayahāraṃ prasaratu tāraṃ madanayaśo mahanīyam
phalamanavarataṃ kalayatu sukṛtaṃ sakalabhuvanakamanīyam
16.2
visṛja viṣādaṃ muñca vivādaṃ ca tyaja kharaniḥśvāsam || dhruvapadam
locanakamalairaviralamamalairarcaya manasijadevam
candanalalitairapi 2daharasitaira3nulepaya bahusevam
16.3
sarasijavadane ! kelīsadane racaya caraṇavinyāsam
4iyamapi sahasā himakaramahasā vahati niśāparihāsam
16.4
smaramadakaraṇe ! mukhahimakiraṇe ! kalaya tilakamavadātam
tribhuvanahārī himakaradhārī sukhamāvahatu 2 niśāntam
16.5
nandaya sadayaṃ puraharahṛdayaṃ janaya vilocanaraṅgam
ratirasanilayaṃ yojaya 3valayaṃ nartaya satatamanāṅgam
16.6
locanayugale nirjitakamale kuru kajjalamabhirāmam
manasijalaghimā 4khañjanamahimā dvayamapi 5bhavatu virāmam
16.7
kuru tāṭaṅkadvayamaviśaṅka smaraśararabhasanidhānam
gurubhṛgumadhye nivasati mugdhe ! vidhuriti bhavatu vitānam
16.8
iti niravadyaṃ nigadati hṛdyaṃ bhānurapākuru khedam
patirupagantā madhuranumantā parihara cetasi bhedam
16.11
kaṭākṣakusumāñjaliṃ kirati cakṣureṇīdṛśo,
mukhenduramṛtadravairvihasitaiḥ puraḥ siñcati
svanaiḥ kanakamekhalā paṭhati kiñca nāndīmimāmumāparivṛḍhe samāgatavati smaro nṛtyati
16.12
nirdagdhaṃ lāsyametasyā santāpaśikhidhārayā
sindūratilakavyājāt punaraṅkuramādadhe
16.12.p1
iti bhānudattaviracite gītagaurīpati1mahākāvye aṣṭamasargaḥ