Gitagaurisham 17
Gītagaurīśam 17
- Language
- Sanskrit
17.1
navamasargaḥ
evaṃ parasparadarśane parasparasaṅketādi sakhīmadhyasthyatvaṃ ca varṇayati—
uktā bhrū saṃjñayā namramaulinā candramaulinā
pārvatīṃ bibhratīṃ 1vācamuvāca tvarayā jayā
17.1-2
patiranusayati vadati paṭu satatam
kimitaradapi vā sundari ! sukṛtam
17.2
śaṅkare mā kuru kopaṃ vinayapare || dhruvapadam
śivamavalokaya viracaya 3sakalam
sahajasubhagaruci locanayugalam
17.3
udayati pulakapaṭalama1pi satatam
puraripureṣa hasiṣyati 2niyatam
17.4
janurapi dinamapi lavamapi viphalam
yatra premaṇi ceto vikalam
17.5
tvamapi 3vimṛśyasi nirmalamanasā
abhimatameva bhaviṣyati sahasā
17.6
kimiti na paśyasi nijavapuralasam
karma vidheyaṃ pariṇatisurasam
17.7
4śoṇarucaṃ na ca viracaya vadane
kimapi na5sidhyati vairiṇi madane
17.8
vadati bhānukaviriti madhurajanī
vihasati mānasavati ! madaśamanī
17.3-2
prāṇeśasya prabhavati manaḥprema hemaprasūnaṃ,
cetaścūtaṃ dṛgapi kamalaṃ jīvanaṃ 1jīvabandhuḥ
āśāsūtre grathitamakhilaṃ vedhasā ! tasya bhaṅge,
syādeteṣāmapi niptanaṃ gauri ! mānaṃ vimuñca
17.4-2
dīrghaṃ na śvasitaṃ nidhehi yadasau premadrumo vepate,
vaktraṃ darśaya 2jāyatāṃ smṛtibhuvaścandrānukūlaṃ dinam
gauri ! brūhi 3yadastu kokilakalakvāṇairvasantabhramaścakṣurvikṣipa puṣpavṛṣṭiratanormaulau samunmīlati
17.5-2
ānandakande jagadekavandye candre samunmīlati kundabhāsi
puradviṣā manmatharājadhānī vistārya pāṇī jagade bhavānī