Gitagaurisham 18
Gītagaurīśam 18
- Language
- Sanskrit
18.1
vada kimapi jāyatāmamṛtarasavāhinī pariṇamatu madhuramadhudhārā
tanuratanulīlayā pulakamavagāhatāṃ paṭu naṭatu mama nayanatārā
18.2
kamaladalalocane ! viracaya na roṣam
madanaśarapāvako bhavati tanupāvako,
vahasi kathamurasi na toṣam ||dhruvapadam
viracaya dṛgañcalaṃ 1smarasamaracañcalaṃ harakamaladalamadhurimāṇam
2 vikalaya madālasabhramaramadhumādhurīṃ śithilaya cakoramahimānam
18.3
3 lulitamaṇikuṇḍalaṃ vadanaśaśimaṇḍalaṃ kimiti viniyamasi 4 vāram
atha rajanināyako dhṛtalalitakheṭako racayatu dharaṇīvalayacāram
18.4
idamapi na 1yauktikaṃ sṛjati gajamauktikaṃ yadidamapi nīlamaravindam
smitakiraṇadhoriṇī2 mama nayanapāriṇī bhavati yadi sukṛta3manavadyam
18.5
kathamapi na manyase yadi na kiñcidīhase gṛhāṇa mukuṭatuhinabhāsam
kalaya parirambhaṇaṃ racaya paricumbanaṃ dehi4dehi ratipatihāsam
18.6
tvamasi dṛśi candrikā tvamasi hṛdi mālikā tvamasi mama cetasi paṭīram
sakalaguṇa5sundari ! praṇayatarumañjarī 6kṣipasi kiṅkaramadhīram
18.7
yadi bhavati mānasī bhītirapi bhūyasī karomi dūramapi bhujaṅgam
garalamava 1nīyate vahnirapi hīyate tadapi yadi vahasi mayi raṅgam
18.8
bhānukavibhāṣitaṃ vividhaguṇalalitaṃ 2śravasi kuru madhurapariṇāmam
madhusamayayāminī kamalamukhi ! vāmanī bhavati ! kṛpaya patimabhirāmam
18.7-2
kṛṣṇaḥ keśakalāpaḥ kāmini ! tava vāmano madhyaḥ
kathaya 3kathaṃ mama śambhorantaḥ santāpamāvahasi
18.8-2
dṛṣṭā kā'pi cakorī vikirantī garalapaṭalāni
jñātavyā kathameṣā hemahimāṃśoḥ sudhā kīdṛk
18.6-2
idānīmāliṅganamāvaśyakamiti sahetukamāha—
cetasā militaṃ ceto vacasā militaṃ vacaḥ
cakṣuṣā militaṃ cakṣurdoṣṇā kimaparādhyate