Gitagaurisham 19
Gītagaurīśam 19
- Language
- Sanskrit
19.1
athaikaviṃśaḥ prabandhaḥ āḍavvatāle1 gurjarīrāgeṇa gīyate—
kvacidapi hasitaṃ kvacidapi lapitaṃ kvacidapi madamādhurī
kvacidapi calitaṃ kvacidapi militaṃ prasarati2 rasacāturī
19.2
girisadmani vahalaṃ śivayoriha kutūhalam || dhruvapadam
puraripuramalaṃ vikasitakamalaṃ paṭu kalayati3 kuntale
smaraśaraśaraṇaṃ kanakābharaṇaṃ vahati vapuṣi komale
19.3
mukharitaraśanaṃ pravicalavasanaṃ taralitamaṇikuṇḍalam
giripatitanayā manasijakalayā 1gamayati mukhamaṇḍalam
19.4
maṇimayavalayaṃ rabhasopacayaṃ racayati 2paṭu bhūṣaṇam
patiratipulakaṃ kalayati tilakaṃ karamadhigatadūṣaṇam
19.5
kautukalapitaṃ tanute lalitaṃ raticaturimasundaram
prathayati nibhṛtaṃ girijāhasitaṃ vikasitarucivandhuram
19.6
sarabhasavacane mālāracane racayati nakhavigraham
kalayati madhure rasanāvasare nivasanalaghunigraham
19.7
ghaṭayati vanitā kaitavakupitā pāṭalarucilocanam
kimapi na manute mukhamāvṛṇute himarucimadamocanam
19.8
kṛtaharavinayo gaṇapatitanayo nigadati hitakāraṇam
himakaramukuṭe vijayini nikaṭe viracaya 1na ca vāraṇam
19.9
hāraṃ kāñcidhiyā śambhau jaghane kartumicchati
gaurī sahacarīvaktre sasmitaṃ cakṣurakṣipat