Gitagaurisham 21

Gītagaurīśam 21

Language: Sanskrit

21.12 — 1 part

21.1

1atha dvāviṃśaḥ prabandho vasantarāgeṇa rūpakatāle gīyate-tadevaikyaṃ varṇayati aṣṭapadyārajatasuvarṇaghaṭitaśaśi 2maṇḍalaṃ bandhuravadanavilāsam
drutamantharagatikāraṇasakalaharacaraṇayugalavinyāsam

21.2

atha śivayorekaṃ 3bhajata vapuratisundaram || dhruvapadam
atisīmantamudayadahimadyutisubhagadyutisundaram
1phaṇipaticarcitaphaṇāvigalitamaṇiriti2 vimṛśya sakrūram

21.3

pratiphalitaṃ vapuranayorudayati kalayati 3jagatvatipūtam
parihṛtabhāgayugalamiva vipulaprītibhirekībhūtam

21.4

idamidamuragarājaciranipatitakañcukamiti bahuvāram
puraripurapasārayati tuhinagiritanayākucataṭahāram

21.5

dṛḍhaparirambhaṇamilitabhasitamiti girijākucaghanasāram
proñchati paśyati pulakati vihasati lubhyati 1 ratiparicāram

21.6

pavanataralatarasurataṭinījalaphenadhiyā vahukālam
puraripurabhinavakurabakakorakadāma spṛśati viśālam

21.7

paśyati śailasutākarakaṅkaṇamadhikarucirarucipūram
svayamapi vihasati vilasati kalayati bhujagarājakeyūram

21.8

bhānudattakaviriti bahu vinayati vitaratu sakalasneham
ekībhūtamamṛtakaraśekharabhūdharatanayā 2deham

athaikībhūtasya śivasya krīḍācaritamāhaātmīyaṃ caraṇaṃ 1dadhāti purato nimnonnatāyāṃ bhuvi,
svīyenaiva kareṇa karṣati taroḥ puṣpaṃ śramāśaṅkayā
talpe kiñca mṛgatvacā viracite nidrāti bhāgairnijairantaḥpremabharā2lasāṃ priyatamāmaka dadhāno haraḥ

21.10

ardhe vakṣasi śailarājaduhitu 3rvakṣoruhaḥ sphūrjataḥ,
saṃvīkṣya pratibimbamindusubhage bhāge nije 4 vakṣasi
svasyāpi stana 5maṇḍalā'ṅkuradhiyā vyālolamālokayan,
devo dainyamapākarotu girijādehārdha 6 dhārī śivaḥ

21.11

bhavānī 1nartanairyāvadaṅgalagnā puradviṣaḥ
vidvat2 kaṇṭhagatā tadvad bhānorvāṇī virājatām

21.12

3gaurīpatergītiriyaṃ suramyā yasyānanāmbhoruhi cāru līnā
tasyā'pi pādāmbujasaṃvilīnāṃ sucañcarīkāmi śirojarājīm

21.12.p1

iti śrībhānudattakaviviracite gītagaurīpatau mahākāvye daśamasargaḥ