Pramāṇa · Search · About · API

Gitagaurisham 3

Gītagaurīśam 3

Language
Sanskrit

Contents

3.1

vakṣo vāsapurī1kṣaraḥ sahacaro dauvāriko vepathuścintāntaḥpuracāriṇī paribhavo mantrī dharitrī tanuḥ
bhrāntiḥ 2sainikameṣa kātaradṛśo vāṣpodavindūtkaraiḥ,
santāpasya manobhavena vidadhe rājyābhiṣekotsavaḥ

3.2

adhunā santāpaśamanopāyamāhaunmīlatkalikā mṛṇālalatikā śaityāya saṃyojitā,
hārabhrāntimurīcakāra hṛdaye tasyāḥ kuraṅgīdṛśaḥ
sphūrjattāpahutāśarāśibharitādantaḥkaṭāhādasūn hantuṃ hanta ! kimu smareṇa nidadhe 3 sandaṃśikā rājatī

3.1-2

atha 1tṛtīyaprabandho gurjarīrāgeṇa rūpakatāle gīyate—
sakutukasarabhasasavinayasasmitaviracitabahuvidharaṅgam
mukulitavikasitamuhurāvartitanartitanayanataraṅgam

3.2-2

priyasakhi ! kimurasi vahasi maheśam
himakarakiraṇakalāpa 2karañcita kairavakomalaveṣam || dhruvapadam
śiraḥsthitagaṅgotprekṣāmāha—
tridaśataraṅgavatījalamavirala 3mudayitalocananīram
vitatavibhūtibharādiva pāṇḍuraruci kimu 4vadati śarīram

3.3

santāpamohakāraṇe āha—
locanadahana 5gahanamadīdhitimiva kalayasi santāpam
kaṇṭhaviṣamaviṣasambandhādiva mohaṃ vahasi durāpam

3.4

pravitatavikaṭajaṭāpaṭaladyuti 6viluṭhitahṛdi śaivālam
7pratikṛtiriva himakiraṇakalānāmudayati bālamṛṇālam

3.5

prasarati tasya ca kanakaphaṇādiva visadṛśavacanamanekam
pracalasi nipatasi paśyasi sacakitamujjhasi malayajasekam

3.6

1vihatapativratadhairyavaśādiva gaṇayasi ripumiva kāmam
vanamabhinandasi girimanuvindasi2 nindasi gṛhamabhirāmam

3.7

hṛdayagataṃ haramavalokitumiva namayasi 3mukhaśaśibimbam
tadanu4 viṣahyasi pulakasi muhyasi vahasi kampami5ca lambam

3.8

bhānubhaṇitamiti vijayābahuvidhakautukakathanamudāram
6śamayatu sakalabhuvanajanasamadhikadāruṇaduritavikāram

3.3-2

viśleṣa7 dahanajvālājātākulitamānasā
vijayāmavadad gaurī dūrīkṛtya manastrapām

3.3-3

agretanaṃ vijayāṃ tannāmikāṃ dāsīm avadat

3.4-2

ājñā na tripurāntakasya gaṇitā¹ devasmaro nindito,
bandhūnāṃ vacanaṃ vilaṅghitamataḥ pāpasya vicchittaye
deho bhūśayanavrataṃ vitanute pāthonivāsavrataṃ,
cakṣuḥ svīkurute manojñanukurute tāpāgnivāsavratam

3.1-3

2atha caturthaprabandho gurjarīrāgeṇa pratimaṇṭhatāle gīyate—
kiṃ bhavāmi bhaṇāmi vā kimu tāḍitā madanena
kutra yāmi karomi kiṃ nu śālitā kadanena

3.2-3

śiva śiva mayā kupitayā nindito giriśo'pi | dhruvapadam
kiṃ hitaṃ kimivāhitaṃ na³ vicitaṃ hṛdayena
śikṣitaṃ na ca⁴ vāritaṃ na ca vā sakhīnicayena

3.3-4

bhāvayāmi tadāsyamuttamakānti1hāsabhareṇa
candrabimba2nabojjvalaṃ navacandrikānikareṇa

3.4-3

pāṇipadmagato gato maṇiriva kiṃ racayāmi
daivadattamavāpyate kimito'pi vā kathayāmi

3.5-2

kānane bhavane mahīdharamaṇḍale vicarāmi
tasya viśvavilakṣaṇasya na sāmyamākalayāmi

3.6-2

3vārito dayito vaco na kṛtaṃ4 sakhīnivahasya
yuktameva tato yato mama yātanā hṛdayasya

3.7-2

tārakīyati candraśekhara eṣa netrayugasya
kesarīyati śaṅkaro mama cittavāriruhasya

3.8-2

bhānukovida eṣa gocara1 mātanotu cirāya
śailarājasutā nivedanamastu lokahitāya

3.5-3

akaroḥ kimu netra ! śoṇimānaṃ,
kimakārṣīḥ 2kara ! padmayā nirodham
kalahaṃ kimadhāḥ krudhā rasajñe !,
hitamarthaṃ na vidanti3 daivaduṣṭāḥ

3.6-3

aho ! panthānamutsṛjya vipathe padamarpayan
hṛdīśvaro hṛdi sthitvā hṛdayaṃ na niruddhavān

3.6-3.p1

iti ^1śrīkavibhānudattaviracite gītagaurīpatau ^2mahākāvye kalahanivedannāma dvitīyasargaḥ

Linked texts (1)