Pramāṇa · Search · About · API

Gitagaurisham 4

Gītagaurīśam 4

Language
Sanskrit

4.1

idānīṃ madanapīḍāṃ vakti—
priyasarikha ! sudhāṃśuvartī nā'yaṃ paṅkaḥ kalaṅko vā
siṃhāsanopaviṣṭo jaladharakāntiḥ kṛtānto'yam

4.2

idamarthayāmi kevalamāli ! mṛṇālī nivāryatāmurasaḥ
yadidaṃ virahahutāśadhmāpanatālīdhiyaṃ dhatte

4.1-2

1atha pañcamaprabandho vasantarāgeṇa rūpakatāle gīyate—
idānīṃ paścāttāpena cittaṃ bodhayati—
ratirasa 2vikalitamaṇimaya nūpurayugalataraṅgitatālam
phaṇipativitataphaṇāvaliparihṛtamaṇigaṇaviracitamālam

4.2-2

sāyaṃ samayavihitanaṭaveṣam
ceto mama 1cintaya hi maheśam || dhruvapadam
himaruciruciyacandanacitritadehamurīkṛta raṅgam
lalitalalāṭavilocanadīdhitikeśarasamudayadaṅgam

4.3

tilakitatuhinakaraṃ karakisalayavalayitapannaganātham
2pravicalalocanacaṭulacittaruciviracitadīpasanātham

4.4

añjalivigalitavakulakusumacayaviracitatārābhāsam
sacakitanayanamadānanadarśanavihitavipulaparihāsam

4.5

keliniketananipatitamauktikayojitaghargharaghoṣam
nanditanandimadhuramurajadhvanivihitahṛdayaparitoṣam

4.6

samadhikanartitagalitagajājinapariṇatajaladavikāram
1bhramitaravitatajaṭāpaṭaladyutidarśitataḍidākāram

4.7

surataṭinī 2jalakamaladalasrajamuditahariṇatanu 3cīram
phaṇipaticapalaphaṇāvyajanā'nilaśītalasakalaśarīram

4.8

1bhānubhaṇitamiti puraharanartanaṃ 2nigaditamamṛtasamānam
janayatu nikhilabhuvanajanacetasi bahuvidhasukhasantānam

4.3-2

jīvena tulitaṃ prema sakhi ! mūḍhena 3vedhasā
laghurjīvo yayau kaṇṭhaṃ guru prema hṛdi sthitam

4.4-2

svaprakāśamanirvācyamātmadvaitanivartakam
vikalpātītamānandaṃ 4 premaiva brahmakevalam

4.1-3

atha ṣaṣṭhaprabandho 1 gurjarīrāgeṇa rūpakatāle gīyate-idānīṃ viyogamasahamānā gaurī śaṅkarasaṅgamane sakhīṃ prārthayateabhinavayauvanabhūṣitayā
darataralitalocanatāram
kiñcidudañcitavihasitayā caladaviralapulakavikāram

4.2-3

he sakhi !
śaṅkaramuditavilāsam
saha saṅgamaya mayā natayā ratikautukadarśitahāsam || dhruvapadam
bhujagavibhūṣaṇa 2 bhūṣitayā
kṛtabahuvidha 3 cāṭuvilāpam
himakarakiraṇavilajjitayā madhumadhurimalasadabhilāṣam

4.3-3

avanatavadanasaroruhayā hṛdi samuditamuditamanojam
nivasanavinihitakaratalayā'jinayojitapāṇisarojam

4.4-3

kapaṭakopapaṭubhāṣitayā
mukhasarasijacumbanalolam
cakitavilolovalocanayā
karaparikṛtanīvīcolam

4.5-2

kharakarajakṣatakātarayā smitavikasitarucimukhacandram
cañcalakuṇḍalakhaṇḍitayā
caladalakagrahasānandam

4.6-2

1 calitakapolakalāsvanayā'dharanihitādharamanuvelam
siñjitarañjitanūpurayā kṛtabhujayugabandhanakhelam

4.7-2

śramajalasīkaraśītalayā karavihitavyajanasamīram
ghanataraniḥśvasitālasayā punarānanaliptapaṭīram

4.8-2

bhānukaveriti gocaritaṃ giṃritanayāvacanamudāram
kalayatu kṛpayā komalayā sukhasubhagamakhilasaṃsāram

Linked texts (1)