Gitagaurisham 5
Gītagaurīśam 5
- Language
- Sanskrit
5.1
āśāsu tiṣṭhati karoti na kintu gāḍhamāśleṣameṣa¹yati tatra sakhi ! pratīhi
āśaṅkate nayanayoranayoradhīrairnīrairlalāṭadahanopaśamaṃ purāriḥ
ākāśe bhramarā bhramanti śabarāḥ puṣpasrajo vāgurāḥ,
kuñje kiṃśukakorake hitavahaḥ pāraddhikāraḥ smaraḥ
jālaṃ dikṣu sudhāṃśukāntinikaraḥ śyeno vasantānilaḥ,
śveto me hariṇaḥ kva gacchatu yataḥ sarvatra vāmo vidhiḥ
5.1-2
1atha saptamaprabandho guṇakarīrāgeṇa rūpakatāle gīyate—
punaśca vaiparītyamāha—
kalitakalaṅkamamṛtakarabimbam
racayati vighaṭaharucimavilambam
5.2
madhumadhure kimu karavāṇi vidhau vidhure | dhruvapadam
aṅgārakabhariteva hasantī
2vikasadaśokalatā vihasantī
5.3
prasarati 3kesarakusumajadhūlī
kimu yamakāsarakhurapuṭadhūlī
5.4
prathayati madanamahīpatighāṭī
abhinavavikasitakiṃśukavāṭī
5.5
ripuriva marudapi candanasaṅgī
yamapuñjīmiva 1puṣyati bhṛṅgī
5.6
2aśru ca vaitaraṇī kimudārā
ketakamudayati kaṇṭakadhārā
5.7
saikatamuṣṇaṃ 3minduka rajālam
śiva śiva sakalamihaiva karālam
5.8
bhānubhaṇitamiti viguṇamanojā
vahatu śubhaṃ me śailatanūjā
5.3-2
snehā iva varddhante priyasakhi ! vāsantikā 1vāsāḥ
prasaranti hanta ! 2pāpā iva3 tava mākandaparimala 4vikāsāḥ
5.4-2
5atidīrghaṃ niśvasatīṃ manasi vahantīṃ smaradviṣaḥ smaraṇam
cintākavalitahṛdayā punarapi vijayā nagātmajāmūce
5.1-3
athāṣṭamaprabandho 6guṇakarīrāgeṇa rūpakatāle gīyate—
tadvijayā bhāṣaṇamāha—
iyasiyamali ! manobhavakhelā
niyatā naiva hitā'hitavelā
5.2-2
7śailasute ! śailasute ! sīdati śambho dūragate | dhrupadam
kutra na bhavati madanaśarapīḍā
kintu na 1ramati manasijavrīḍā
5.3-3
viracaya puraharanāmasmaraṇam
tena vinā nahi saṅkaṭataraṇam
5.4-3
kimiti viṣīdasi vilapasi dīnam
trijagati sakalamapi tvadadhīnam
5.5-2
kupita 1bhujaṅgabhīṣaṇabhāsam
muñcasi darpaṇamapi satrāsam
5.6-2
caraṇe nūpuramapi na dadhāsi
smaranigaḍasya 2bhiyeva jahāsi
5.7-2
urasi vahasi 3na ca bisamapi śītam
manasija 4bhilladhiyā kimu bhītam
5.8-2
vadati bhānurati5suhṛdupadeśam
kuru patireṣyati visṛja kleśam
5.5-3
nayanasalilabindubhiḥ skhaladbhiḥrbhavatu vapuḥ 1smarapicchalaṃ na tāvat
iti vikirati 2śaivalaṃ śarīre, kusumadhanuḥ kimu pāṇḍimacchalena