Gitagovinda 14.2

14.2

¹śivapakṣe'pyevam| ²dvitīyavyākhyāne-ī=priyasakhī, lakṣmīsahacarī gaurī| yadvā³ 'āḥ syāt kopaviṣādayoriti'| āḥ viṣāde, vāso=vastramapi, vipināyate=bhūluṇṭhanamālinyena⁴ bhāreṇa caraṇavadācarati| mālā=puṣpadāma, priyasakhī-sadāpariśīlitā'pi=priyadvārā sakhīpriyaprasādaprāptā'pīti vā| atāpaḥ=na vidyate tāpo yataḥ bahuvrīhiṇā santāpanivṛttaye racitacandanādiśītalopacāro'pi, sā=gaurī, tvadviraheṇa, kaṃ=sukham, kathaṃ ayate=prāpnoti| hanta! hā! ā iti trirviṣādasūcakaśabdaprayogo'tyantapīḍāṃ sūcayati| sā kīdṛśī? hariṇīrūpā=suvarṇapratimāsadṛśī, niṣkriyatvād gṛhādapayātumakṣametyarthaḥ| darppaḥ=kastūrī, yamāyate, tena gṛhe sthātumapi na śakyate itibhāvaḥ| ⁵tvadvalasamarucitayā pratikṛtilikhanārthaṃ vā kastūryāḥ gṛhe sthāpanaṃ yujyata iti|
'hariṇī haritācca nārībhiḥ dūtabhedayoḥ| suvarṇapratimāñceti darppaḥ kastūryāmapyahaṅkṛtāvita' ca medinī|
kṛṣṇapakṣe'pyayamarthaḥ samañjasaḥ⁶|